1 Timothy 3

Nia dagi di nohongo dabu

(Titus 1.6-9)

Telekai e donu deenei: Maa tangada e hiihai e dagi di nohongo dabu, gei ia e hiihai gi di moomee e humalia huoloo. Tagi di nohongo dabu le e hai gi hai tangada e donu, e lodo hua gi di ahina e dahi, e modongoohia ana mee ala e hai, e mee di dagi ia, mo ana hegau belee hai, e benebene nia daangada mai i daha gi lodo dono hale, gei e iloo di hai agoago. Geia hagalee hiigeina tagao be e noho llamu dauwa, gei ia gi hai tangada manawa hila gi lala mo di tentene, hagalee e aloho i nia bahihadu. Geia e dagi hagahumalia digau dono hale, ge e hai ana dama gi hagalongo ang gi deia, gi hagalabagau ia. Idimaa, taane i golo e de iloo di dagi digau dono hale, malaa dehee dana hai ga mee di benebene di nohongo dabu a God? Mee e hai gi manawa madua i di hagadonu, gi dee hagamuamua hua a mee, ga doo gi lodo di halaua gadoo be Satan. Geia gi hai tangada e hagalabagau go digau ala i daha mo taumaha, gi dee doo hua ia gi lodo di hele a Satan ga bagege.

Nia sounkowah

Nia sounkowah labelaa la gi mouli madammaa, ge gi hai hegau donu, ge gi hudee hiigeina tagao, be e hagagailaa gi nia teenedi. Digaula gi hai hegau gi di tonu o nadau hagadonu mai i nadau manawa madammaa. 10 Digaula e hai gi haga dina i mua, digaula gu kila, gei digaula ga mee di kae laa nnegau. 11 Nadau lodo hogi la gi mouli madammaa, ge hagalee hai tamu, ge e modongoohia nadau mee ala e hai, ge gi donu i nia mee huogodoo.
3.11Nadau lodo be:Nia sounkowah ahina
12 Sounkowah le e hai hua dono lodo e dahi, ge e mee di dagi ana dama mo digau o dono hale hagahumalia. 13 Nia sounkowah ala e ngalua humalia, le e hagalabagau go digau dogologo, gei digaula ga mee di nadau agoago maaloo i nadau hagadonu a Jesus Christ.

Di mee hagalabagau dela e hagammuni

14 Au e hihi hua di lede deenei, gei au e hagadagadagagee bolo ma gu hoohoo mai hua dogu madagoaa e heetugi adu. 15 Gei au ma ga duai, gei di lede deenei le e hai gi iloo e-goe tadau hegau e hai gi hai, idimaa, gidaadou nia dama ni God, deenei go di nohongo dabu a God Mouli, deelaa go tuludulu mo di hagamau o di tonu. 16 Deai tangada e mee di haga dilikai di mee dela hagalee gila mai ai, dela di mee koia e hagalabagau ge hagadonu ge daumaha ginai gidaadou:

Mee gu gila mai gu hai tangada, gei di Hagataalunga gu hai boloo: deelaa go mee e donu, gei gu mmada ginai digau di langi. Di longo o maa gu dele gi nia henua huogodoo, gu hagadonu go digau henuailala. Mee gu hana gi nua i nia madamada.
Copyright information for `KPG