a7.2-3:Gen 12.1
b7.4:Gen 11.31, 12.4
c7.5:Gen 12.7, 13.15, 15.18, 17.8
d7.6-7:Gen 15.13-14
e7.7:Ex 3.12
f7.8:Gen 17.10-14, 21.2-4, 25.26, 29.3135.18
g7.9:Gen 37.11, 28, 39.2, 21
h7.10:Gen 41.39-41
i7.11:Gen 42.1-2
j7.13:Gen 45.1, 16
k7.14:Gen 45.9-10, 17-18, 46.27
l7.15:Gen 46.1-7, 49.33
m7.16:Gen 23.3-16, 33.19, 50.7-13; Josh 24.32
n7.17-18:Ex 1.7-8
o7.19:Ex 1.10-11, 22
p7.20:Ex 2.2
q7.21:Ex 2.3-10
r7.23-29:Ex 2.11-15
s7.29:Ex 18.3-4
t7.30-34:Ex 3.1-10
u7.35:Ex 2.14
v7.36:Ex 7.5, 14.21; Num 14.33
w7.37:Deut 18.15, 18
x7.38:Ex 19.120.17; Deut 5.1-33
y7.40:Ex 32.1
z7.41:Ex 32.2-6
aa7.42-43:Amos 5.25-27
ab7.44:Ex 25.9, 40
ac7.45:Josh 3.14-17
ad7.46:2 Sam 7.1-16; 1 Chr 17.1-14
ae7.47:1 Kgs 6.1-38; 2 Chr 3.1-17
af7.49-50:Is 66.1-2
ag7.51:Is 63.10

Acts 7

Di agoago a Stephen

Di tagi aamua hai mee dabu ga heeu gi Stephen, “Ma e donu go nia mee aanei?” Stephen ga helekai, “Ogu duaahina nei mo ogu damana nei, hagalongo mai! I mua tadau damana madua go Abraham nogo noho i Haran, di God Madamada ga haga gila gi mee i Mesopotamia, a  ga helekai gi mee boloo: Hagatanga mo oo gau gi daha mo doo henua, hana gi tenua dela ga hagi adu ko au gi di goe. Gei mee ga hagatanga ga hana ga noho i Haran. I muli tamana o Abraham ne made, gei God ga hai a mee gi hanimoi gi tenua dela e noho iei goodou dolomeenei. b  God digi wanga gi Abraham dahi gowaa be tama madagoaa gi hai mee ginai i di madagoaa deelaa. Gei God gu hai dana hagababa bolo ia ga wanga gi mee di gowaa e hai mee ginai, mo dono hagadili gi muli. I di madagoaa a God ne hai dana hagababa, gei Abraham la ana dama ai. c  Deenei telekai a God ne hai gi mee: Doo hagadili gi muli ga noho i tenua i daha, i di gowaa dela e hai hege ai, ge e hagahuaidu i lodo nia ngadau e haa lau. d  Gei au ga hagi aga digau ala ga haga hai hege digaula, nomuli, gei digaula ga lloomoi gi daha mo tenua deelaa, ga daumaha mai gi di au i kinei. e  Gei God ga wanga gi Abraham di hagadabu o di sirkumsais, gi hai di haga modongoohia o di hagababa deelaa. Abraham ga sirkumsais Isaac nia laangi e walu i muli i dono haanau, gei Isaac ga sirkumsais dana dama daane go Jacob, gei Jacob ga sirkumsais ana dama daane dilongoholu maa lua, ala go tadau maadua mmaadua. f  Nia dama a Jacob hudiou gi di nadau duaahina go Joseph, gei digaula ga hui a mee gi daha, ga hai di hege i Egypt. Gei God gu madalia a mee, g  10 gu daa mai a mee gi daha mo ono haingadaa huogodoo. I di madagoaa a Joseph ne hanimoi gi baahi di king o Egypt, God gu wanga gi mee di daudonu mo di kabemee. Di king ga haga menege aga a Joseph gi hai di gobinaa Egypt gei e dagi dono hale. h  11 Malaa, i di madagoaa deelaa, gei tau magamaga gu hai i hongo Egypt hagatau mo Canaan, ga hidi mai ai di haingadaa damana. Tadau maadua mmaadua gu deemee di kida nadau meegai. i  12 Jacob ga longono bolo nia palaawaa i Egypt, gei mee ga hagau ana dama daane, ala go tadau maadua mmaadua, dela di nadau hula matagidagi gi golo. 13 Di lua holongo ne hula digaula gi golo, Joseph ga haga modongoohia ia gi ono duaahina, gei di king gu iloo labelaa nia gau o Joseph. j  14 Gei Joseph ga haga iloo gi dono damana Jacob, mo ono gau huogodoo gi lloomoi gi Egypt, digaula huogodoo e madahidu maa lima. k  15 Jacob ga hana gi Egypt, di gowaa dela ne made iei mee mo tadau maadua mmaadua. l  16 Nnuaidina meemaa ne kae gi Shechem, di gowaa dela ne danu ai meemaa i taalunga dela ne hui go Abraham gi nia bahihadu silber mai di madahaanau o Hamor. m 

17 “Ne hoohoo gi di madagoaa a God e haga gila aga dana hagababa dela ne hai gi Abraham, gei di hulu dangada i Egypt gu dogologowaahee. n  18 Nomuli, tuai king dela e de iloo ia Joseph, ga daamada ga dagi Egypt. 19 Mee halahalau tadau maadua mmaadua ge hagamuamua gi digaula, ge hono digaula gi dugua nadau dama lligi gi malaelae nadau hale bolo gi mmade digaula. o  20 Malaa, deenei di madagoaa Moses ne haanau ai, di tama humalia huoloo. Mee ne tomo aga i lodo dono hale nia malama e dolu. p  21 Dono madagoaa ne daa gi daha mo dono hale, gei tama ahina di king o Egypt ga daahi a mee, ga benebene a mee be di tama donu ni aana. q  22 Moses gu aago ginai nia kabemee hagatau o digau o Egypt, gu hai tangada e dau i nia helekai mo nia hai hegau. 23 Malaa, Moses ne madahaa ono ngadau, geia gu maanadu bolo ia e hana gi baahi ono gau Israel. r  24 Mee ga gidee tangada i ginaadou e hai hagahuaidu go tangada Egypt, gei mee ga hanadu hua gi meemaa, ga hagamaamaa tangada Israel, ga daaligi tangada Egypt gi made. 25 (Moses e hai bolo ono gau donu belee iloo bolo God ga haga hai hegau laa ia, e haga dagaloaha ginaadou, gei digaula digi iloo.) 26 Di laangi nomuli, gei mee ga gidee nia daane Israel dogolua e heebagi, gei mee ga hagamada belee hagahumalia mehanga meemaa, ga helekai: Nia daane nei, hagalongo mai! Goolua tagahaanau, gei goolua e heebagi di aha? 27 Gei tangada dela e hai hagahuaidu dono ehoo, ga hono a Moses gi daha, ga heeu: Koai ne dugu goe belee dagi gimaua ge hagi aga gimaua? 28 Goe e hiihai bolo goe e daaligi au gi made, gadoo be dau dangada Egypt dela ne daaligi gi made anaahi? 29 Moses ga longono di mee deenei, geia ga lele gi daha mo Egypt, ga hana ga noho i Midian, ga hai ana dama daane dogolua i golo. s  30 I muli nia ngadau e madahaa, tangada di langi ga haga gila gi Moses i lodo di ulaula di laagau i lodo di anggowaa, e hoohoo gi di Gonduu Sinai. t  31 Moses gu goboina huoloo gi dana mee dela ne mmada ginai, ga hana gi hoohoo gi di laagau deelaa gi mmada ia hagahumalia. Mee ga longono di lee o God, e helekai boloo, 32 Au go di God o godou maadua mmaadua, di God o Abraham, Isaac mo Jacob! Gei Moses gu madagu, gu bolebole, gu de hiihai di mmada gi di gowaa deelaa. 33 Dimaadua ga helekai gi mee: Daawaa gi daha oo hiiwae. Di gowaa deenaa e duu iei goe la di gowaa dabuaahia. 34 Au gu gidee di hagaduadua huaidu o agu daangada ala e noho i Egypt. Au gu longono di lee o nadau haga mmaemmae, gei au ne hanimoi belee haga dagaloaha digaula. Malaa, dolomeenei gei au ga hagau goe gi Egypt. 35 Moses la go mee dela digi hagalongo ginai digau Israel i nadau heeu boloo, Koai ne dugu goe belee dagi gimaua ge e hagi aga gimaua? Go mee dela ne hagau mai go God belee hai di tagi o nia daangada mo di haga dagaloaha digaula mai di hagamaamaa o tangada di langi dela ne haga gila gi mee i lodo di ulaula di laagau. u  36 Mee ne dagi mai digaula gi daha mo Egypt, mee gu hai ana mogobuna mono mee haga goboina i Egypt, mo i Tai Mmee, mo i lodo di anggowaa i nia ngadau e madahaa. v  37 Ma go Moses deenei dela ne helekai gi digau Israel boloo, God ga hagau adu gi goodou di soukohp, e hai gadoo be dana hagau mai au, gei soukohp deenei la tangada mai goodou baahi. w  38 Moses deenei nogo madalia digau Israel ala nogo dagabuli i lodo di anggowaa. Go mee nogo madalia tadau maadua mmaadua ge nogo madalia tangada di langi dela ne helekai gi mee i hongo di gonduu Sinai. Go mee ne gaamai nia helekai haga mouli a God belee hagadae mai gi gidaadou. x  39 Gei tadau maadua mmaadua ne de hiihai di hagalongo gi mee. Digaula ne hono a mee gi daha ge ne hiihai bolo ginaadou e hula gi muli gi Egypt. 40 Gei digaula ga helekai gi Aaron boloo: Heia dau god e dagi gidaadou. Gidaadou e de iloo ma di aha gu hai gi Moses dela ne laha mai gidaadou gi daha mo Egypt. y  41 Gei digaula ga hai di nadau ada damaa kau dulii, ga tigidaumaha ginai, mo di hai nadau hagamiami e budu ai di maa dela ne hai gi nadau lima. z  42 God gu huli gi daha mo digaula, gu diiagi digaula gi daumaha ang gi nia heduu ala i di langi, gi hai be nnelekai i lodo di beebaa nia soukohp, dela e hai boloo:

Digau Israel! Ma hagalee ko au dela ne daaligi ginai godou manu, ge ne tigidaumaha ginai godou manu i lodo nia ngadau e madahaa i lodo di anggowaa! aa 
43 Ma go di hale laa o di balu god Molech dela e dagidagi go goodou, mo di heduu balu god Rephan. Aanei nia balu god ne hai go goodou belee dadaumaha ginai. Malaa, au ga hai goodou gi lahia gi Babylon.
44 I lodo di anggowaa, gei tadau maadua mmaadua nogo hai mee gi di hale laa dela e noho ai Dimaadua e dagi ge hagi anga gi Moses gi hauhia be di ada hale dela ne mmada ginai Moses, ab  45 Di hale laa deelaa ne wanga gi tadau maadua mmaadua, ga kae dalia ginaadou mo Joshua gi lodo tenua digau tuadimee, ala ne hagabagi go God i mua tadau maadua mmaadua. Digaula gu dugu di hale laa i golo, ga dae loo gi di madagoaa o David. ac  46 Mee ne aali i baahi o God, ga dangi ang gi God bolo ia e hagatogomaalia di hale gi di God o Jacob. ad  47 Ma go Solomon dela ne hau di hale o maa. ae  48 Gei di God Aamua Huoloo la hagalee noho i di hale dela ne hau go nia daangada, gi hai be nnelekai soukohp,

49 Di Maadua ga helekai boloo, Di langi la go dogu lohongo king, gei henuailala e dugu ai ogu wae. Ma di hale behee, dela e hau go goodou mai gi di au? Au e noho i di gowaa dehee? af  50 Ma hagalee ko au dela ne hai nia mee aanei huogodoo?”
51 Stephen ga duudagi adu hua ana helekai, “Goodou gu hamaaloo dangihi godou lodo! Gei godou manawa e bouli dongoeho! Gei godou dalinga e longoduli, e de longono nia helekai a God! Goodou e hai gadoo be godou maadua mmaadua. Goodou e hai baahi labelaa ang gi di Hagataalunga Dabu! ag  52 Ma di soukohp i golo digi hagahuaidu ina go godou maadua mmaadua? Digaula ne dadaaligi gi mmade nia daangada ala ne haga iloo namua loo bolo dana Dangada hai hegau donu la ga hanimoi. Dolomeenei, gei goodou gu wanga a mee, ga daaligi a mee gi made. 53 Ma go goodou ala ne kae nnaganoho a God ala ne gaweia go nia daangada di langi, gei goodou hagalee hagalongo ginai!”

Di dilidili o Stephen

54 Digau hai gabunga aamua gu hagalongo gi nnelekai a Stephen, gu hagawelewele huoloo mo di gadigadi nadau niha. 55 Gei Stephen gu honu i di Hagataalunga Dabu, gu mmada gi di langi i nua, gu gidee ia di madamada o God, gei Jesus dela e duu i dono baahi gau donu. 56 Gei mee ga helekai, “Mmada! Au gu gidee au di langi gu mahuge, gei Tama Tangada dela e duu i di baahi gau donu o God!” 57 Digau hai gabunga aamua ga wwolo gi nua loo, ga pono nadau dalinga gi nadau lima, ga hagalimalima, ga llele gi mee, 58 ga hudu a mee gi tua di waahale, ga dilidili a mee gi nia hadu.

Digau hagadootonu ne wanga nadau gahu laa daha gi tama daane dono ingoo go Saul bolo gi benebene ina.
59 Digaula ga dilidili a Stephen, gei mee e hai dangidangi i lodo dono dilidili, ga helekai, “Meenei dogu Dagi Jesus, benebene ina dogu hagataalunga!” 60 Mee ga dogoduli, ga helekai dono lee gi nua, “Meenei Dimaadua! Goe haga de langahia ina di huaidu digau aanei!” Mee ne helekai beenei, ga made.

Copyright information for `KPG