a3.1:Ps 110.1
b3.9:Eph 4.22
c3.10:Gen 1.26; Eph 4.24
d3.12-13:Eph 4.2
e3.13:Eph 4.32
f3.16-17:Eph 5.19-20
g3.18:Eph 5.22; 1 Pet 3.1
h3.19:Eph 5.25; 1 Pet 3.7
i3.20:Eph 6.1
j3.21:Eph 6.4
k3.22-25:Eph 6.5-8
l3.25:Deut 10.17; Eph 6.9

Colossians 3

Goodou gu mouli aga dalia a Christ, malaa, goodou gi haa manawa i nia mee o di langi i nua, di gowaa dela e noho a Christ i hongo dono lohongo king baahi gau donu o God. a  Goodou gi hagamaanadu ina hua nia mee ala i di langi, hagalee go nia mee o henuailala. Idimaa, goodou gu mmade, godou mouli la gu dugu dalia a Christ i baahi o God. Di godou mouli donu la go Christ. Dono madagoaa ma ga hanimoi, goodou ga madalia a mee labelaa, e hai mee gi ono madamada.

Di mouli namua mo di mouli hoou

Haga mmaa ina gi daha nia hiihai o henuailala ala i godou lodo aanei: hai be di manu, hangaahai gulugulua, hiihai huaidu, hagamaanadu huaidu mo di hagagailaa. (Di hagagailaa la di hai daumaha ang gi nia balu god.) Idimaa nia mee beenei ala e hagawelewele ginai a God ang gi digau ala e de hagalongo. I mua, gei goodou nogo hai hegau gi nia hiihai beenei, i di madagoaa nogo mouli ai goodou i lodo nia huaidu beenei. Gei dolomeenei, goodou e hai gi kili gi daha nia mee huogodoo aanei: Di hagawelewele, hiihai huaidu, mo di manawa de hiihai. Di haganneennee mo nnelekai huaidu gi dee lloomoi i godou ngudu. Hudee hai kai tilikai i godou mehanga, idimaa, goodou gu kili gi daha di mouli namua mo ono hangaahaihai huaidu, b  10 gu hai mee gi di mouli hoou. Deenei tangada a God ne hai e haga hohoou go mee i nia madagoaa huogodoo gi hai be ia, gi iloo humalia goodou ia. c  11 Deelaa laa, di hai geegee i mehanga digau tuadimee mo digau o Jew ai, be i mehanga nia daane gu sirkumsais be digi sirkumsais, be digau dauwa, digau hagamuamua, nia hege be digau moholo, gei Christ la hua go nia mee huogodoo. Christ la i lodo nia mee huogodoo. 12 Goodou nia daangada ni God. Mee ne aloho i goodou ge ne hili belee hai ana dama donu. Malaa, gi gahu ina goodou gi di aloho, tumaalia, hila gi lala, manawa balabala, mo di manawa hagakono. d  13 Goodou gi hagadau dumaalia i godou mehanga, gi dumaalia ang gi tangada dela ma ga helekai hagahuaidu i tangada. Gi dumaalia ang gi tangada be Tagi dela ne dumaalia adu gi goodou. e  14 Goodou gi haga punia nia mee aanei gi di aloho, dela e daabui nia mee huogodoo gi di gowaa e dahi gi dahi hua. 15 Di noho i di aumaalia mai Christ gi dagia godou hai maanadu, idimaa, God ne gahigahi goodou gi di noho i di aumaalia deenei, gi hai tuaidina e dahi. Gi danggee ang gi mee. 16 Di maluagina o nia helekai a Christ gi noho i godou lodo. Gi hagadau agoago ina goodou gi nia iloo mee huogodoo. Dadaahili ang gi God i nia daahili Pisalem, nia daahili hagaamu mo nia daahili mai di Hagataalunga i lodo godou manawa danggee. f  17 Nia mee huogodoo ala e hai go goodou be e helekai ai, gi heia i di ingoo o Tagi go Jesus, gi hagaamuina God Tamana mai i Jesus.

Gi hagadaubuni i lodo di mouli hoou

18 Nia ahina, gi dugua anga goodou gi godou lodo, idimaa, deelaa di mee e tau ang gi nia dama a Christ. g 

19 Nia daane, gi aaloho i godou lodo, gi manawa balabala ang gi digaula. h 

20 Nia damagiigi, gi hagalongo gi godou maadua i nia madagoaa huogodoo, idimaa, deenei di hiihai a God. i 

21 Nia maadua, goodou hudee heia godou damagiigi gi hagawelewele, gi dee duugia hua nadau manawa. j 

22 Nia hege, gi hagalongo gi godou dagi henuailala i nia mee huogodoo, hagalee go di madagoaa hua digaula e daumada goodou, bolo gi humalia goodou i baahi digaula, malaa, ngalua hua i lodo godou manawa donu, mai di godou hagalaamua Tagi. k  23 Nia mee ma ga hai go goodou, ngalua ginai aga i lodo godou manawa hagatau, be goodou ma ga ngalua ang gi Tagi, hagalee ang gi tangada. 24 Gi langahia goodou bolo di Tagi la ga gowadu dana hui dela ne hagatogomaalia ang gi ana dama. Idimaa, Christ la go Tagi donu dela e hai hegau ginai goodou. 25 Tangada dela e haihai nia mee huaidu e kae dono hui i ana huaidu ala nogo hai, idimaa, God e hagi aga nia daangada huogodoo i di ala hua e dahi. l 

Copyright information for `KPG