a2.1-5:Col 2.13
b2.15:Col 2.14
c2.16:Col 1.20
d2.17:Is 57.19

Ephesians 2

Mai i di made ang gi di mouli

Lodo di madagoaa gu doo gi daha, gei goodou digau gu mmade i di hagataalunga, i di godou de hagalongo mo godou ihala. a  Di madagoaa deelaa, gei goodou nogo daudali nia hai huaidu o henuailala. Goodou nogo hagalongo gi di tagi mogobuna huaidu dela i lodo di ahiaalangi, di hagataalunga dela e huahua digau ala hagalee hagalongo gi God. Gidaadou huogodoo nogo hai labelaa be digaula, nogo dagi go tadau hiihai, nogo hai hua nia hiihai o tadau huaidina mo tadau maanadu huaidu. Lodo tadau mouli beelaa, gidaadou nogo hai hua be digau dogologo ala gu noho i lodo di hagawelewele o God. Gei tumaalia o God mai gi gidaadou la i lodo nia gowaa huogodoo, gei dono aloho le e damanaiee, i tadau madagoaa nogo mmade i di hagataalunga i tadau de hagalongo, mee gu dahi mai gidaadou gi mouli dalia a Christ. Tumaalia o God dela ne haga mouli goodou. Tadau buni ang gi Jesus Christ, God gu haga mouli aga gidaadou madalia a mee, e dagi madalia a mee i tenua dela i di langi. God ne hai di mee deenei bolo gi haga modongoohia i nia madagoaa huogodoo ala ga dau mai, di damanaiee o dono dumaalia, i lodo di aloho ne hagamodongoohia mai i Jesus Christ. Idimaa, ma go tumaalia o God dela ne haga mouli goodou mai di hagadonu. Hagalee mai godou hegau, gei mai tumaalia o di wanga dehuia a God. Deelaa laa, tangada e mee di bida hagaamu ia ai. 10 God ne hai gidaadou gi hai beenei e buni gi Jesus Christ. Mee ne hai gidaadou bolo gi heia nia mee humalia ala gu lawa dana hagatogomaalia i mua.

Gi dahi i Christ

11 Goodou ala ne haanau digau tuadimee, nogo haga ingoo go digau o Jew bolo “Digau Digi Sirkumsais”, ge ginaadou e haga ingoo bolo “Digau Gu Sirkumsais”, (dono hadinga bolo digaula gu tuu di gili o nadau huaidina), gi langahia bolo goodou nia daangada behee i lodo di madagoaa dela gu doo gi daha. 12 Di madagoaa deelaa, goodou nogo i daha mo Christ, hagalee nia dama ni God ne hilihili. Goodou hagalee nogo dau gi nia hagababa a God ala ne hai ang gi ana daangada, gei goodou nogo mouli henuailala, gei di godou hagadagadagagee gi di godou God ai. 13 Gei dolomeenei, i di godou buni ang gi Jesus Christ, goodou ala nogo mogowaa i daha, la gu haga hoohoo mai go nia dodo o Christ. 14 Ma go Christ hua dela ne gaamai gi gidaadou di aumaalia, i dana hagabuni digau o Jew mo digau tuadimee gi dahi hua. Go dono huaidina dela ne oho di tuuli dela nogo hai digaula nia hagadaumee. 15 Mee gu hagalawa gi daha nia haganoho digau o Jew ngaadahi mo nia manga haganoho hagalligi, belee hai nia madawaawa e lua aanei gi hai hua di madawaawa hoou e dahi, e hagadaubuni ang gi deia, gei deenei di mee ga hidi ai di noho i di aumaalia. b  16 Christ gu oho gi daha di hagadaumee i nadau mehanga gi dono made i hongo di loobuu. Mee gu haga puni mai nia madawaawa e lua aanei, gi hai di madawaawa e dahi ga laha mai labelaa gi God. c  17 Malaa, Christ gu hanimoi, gu agoago di Longo Humalia o di aumaalia ang gi digau huogodoo: gi digau tuadimee ala nogo mogowaa i God, ngaadahi mo digau o Jew ala nogo hoohoo gi mee. d  18 Ma go Christ hua dela ne haga puni gidaadou huogodoo, digau o Jew mo digau tuadimee, ga mee di lloomoi gi mua Tamana i di Hagataalunga e dahi. 19 Malaa, goodou digau tuadimee la gu hagalee hai digau mai i daha be digau hua gee dolomeenei, gei gu hai digau donu ngaadahi mo nia daangada a God, di madawaawa o God. 20 Goodou gu hau gi hongo di hagamau dela ne dugu go digau agoago hagau mo nia soukohp, gei di hadu di madaaduge la go Christ hua modogoia. 21 Ma go mee hua dela e daahi di hale hagatau gi di gowaa e dahi, gei e hai di maa gi tomo, gi hai di hale daumaha dabu dela gu hagadabu ang gi Dimaadua. 22 Di godou buni ang gi mee, goodou ngaadahi mo digau huogodoo ala i golo gu buni mai gi di gowaa e dahi, di gowaa dela e noho ai a God mai i dono Hagataalunga.

Copyright information for `KPG