a5.2:Ex 29.18; Ps 40.6
b5.16:Col 4.5
c5.19-20:Col 3.16-17
d5.22:Col 3.18; 1 Pet 3.1
e5.25:Col 3.19; 1 Pet 3.7
f5.31:Gen 2.24

Ephesians 5

Mouli i lodo di maalama

Idimaa goodou ala nia dama hagalabagau ni God, hagamahi gi hai be mee. Godou mouli gi dagia go di aloho, gi hai be Christ dela ne aloho i gidaadou, ga gaamai dono mouli be tigidaumaha kala mo di wanga dehuia dela e haga tentene a God. a  Nia haihai huaidu be di manu, mouli milimilia, mouli hagagailaa, la hagalee humalia ma ga helehelekai ai i godou mehanga, idimaa, goodou la nia daangada ni God. Gei e dee duudanga bolo goodou e hai hegau gi nia helekai huaidu, helekai dadaagala huaidu, be nia helekai dadaaulia. Goodou belee danggee ang gi God. Goodou gi iloo bolo tangada dela e mouli be di manu, mouli milimilia, be e hagagailaa la hagalee kae dono duhongo i tenua o Christ mo God. Goodou gi de halahalau hua go dahi dangada gi nia balu helekai, idimaa, nia mee aanei ala e hai a God gi hagawelewele ang gi digau ala e de hagalongo ang gi deia. Malaa, goodou hudee haga buni ang gi digau beelaa. Goodou digau nogo noho i lodo di bouli i mua, malaa, goodou gu hai nia daangada ni di Tagi, gei goodou gu i-lodo di maalama. Malaa, goodou gi mouli be digau ni di maalama. Idimaa, di maalama dela e hidi mai ai nia humalia, nia mee hai donu mo nia donu huogodoo. 10 Goodou hagamahi gi kaabee ina nia mee ala e haga tene di manawa o Tagi. 11 Hudee heia nia mee o di bouli ala e hai go nia daangada. Gaamai nia maa gi lodo di maalama. 12 (Gei di maa e haga langaadia huoloo ma ga helehelekai nia mee ala e hai hagammuni go digaula.) 13 Di madagoaa nia mee huogodoo ga haga modongoohia gi di maalama, gei nadau hangaahai donu la ga kila mai. 14 Di maalama dela e hai nia mee huogodoo gi kila mai, dela gu helekai ai boloo,

“Ala aga go tangada dela e kii, duu i-nua gi daha mo di made, gei Christ ga haga maalama goe.”
15 Deelaa laa, goodou gi pula i godou mouli. Hudee mouli be digau de kabemee, gei gi mouli be digau kabemee. 16 Heia gi dahidamee nia madagoaa huogodoo ala gu dugu adu gi goodou, idimaa, aanei la nia laangi huaidu. b  17 Goodou hudee dadaaulia, hagamahi halahala ina nia mee a Tagi ala e hiihai ginai bolo gi heia. 18 Hudee heia goodou gi libaliba i nia waini ala e hagahuaidu goodou, haga honu ina goodou gi di Hagataalunga. 19 Helehelekai i godou mehanga i nia helekai o nia daahili Pisalem, nia daahili hagaamu, mo nia daahili ang gi God. Daahili i nia daahili hagaamu mono Pisalem ang gi Dimaadua mo di hagaamu i lodo godou manawa. c  20 Danggee i nia mee huogodoo gi God Tamana i di ingoo tadau Dagi go Jesus Christ i nia madagoaa huogodoo.

Nia ahina mono daane hai lodo

(Colossians 3.18-19; 1 Peter 3.1-7

21 Gi hagadau dugua anga i goodou, idimaa, goodou e hagalaamua a Christ. 22 Nia ahina, dugua anga goodou gi godou lodo, gi hai be di godou hai ang gi Tagi. d  23 Idimaa, go taane dela e mogobuna di dagi dono lodo, gadoo be Christ dela e mogobuna di dagi di nohongo dabu. Mee Tangada Hagamouli di nohongo dabu dela go dono huaidina. 24 Malaa, nia ahina gi dugua anga ginaadou hagatau gi nadau lodo, be di nohongo dabu dela e dugu anga ia gi Christ.

25 Nia daane, gi aloho i godou lodo, gadoo be Christ dela ne aloho i di nohongo dabu ge ne dugu anga dono mouli ginai. e  26 Mee ne hai di mee deenei belee hagadabu di nohongo dabu ang gi God gi ana helekai, i muli dana haga madammaa di maa gi nia wai, 27 bolo gi dugu ang gi deia dana nohongo dabu madamada, gei e madammaa, deai ono mee hala ai, ono gowaa dogolia ai, be ono gowaa huaidu ai. 28 Nia daane gi aloho i nadau lodo be nadau aloho i nadau huaidina. Taane dela e aloho i dono lodo, le e aloho i dono huaidina. 29 (Gidaadou hagalee de hiihai gi tadau huaidina. Gei gidaadou e haangai di maa ge e benebene, gadoo be di hai o Christ dela e hai gi di nohongo dabu, 30 idimaa, gidaadou nia dudaginga ni tuaidina o maa.) 31 E hai gadoo be nia helekai di Beebaa Dabu e helekai boloo,

“Tadinga deenei dela taane ga tanga gi daha mo dono damana mo dono dinana, ga buni ang gi dono lodo, ga hai tuaidina e dahi.” f 
32 Tadinga hagalabagau hagammuni gei e donu dela gu haga modongoohia mai go nia helekai aanei, ala gu iloo eau bolo e helekai i Christ mo di nohongo dabu. 33 Gei di maa e dau adu labelaa gi goodou: nia daane huogodoo gi aloho i godou lodo, be godou aloho i godou huaidina, gei nia ahina gi hagalabagau ina nadau lodo.

Copyright information for `KPG