a6.2-3:Ex 20.12; Deut 5.16
b6.9:Deut 10.17
c6.14:Is 11.5, 59.17
d6.15:Is 52.7
e6.17:Is 59.17
f6.21-22:Acts 20.4; 2 Tim 4.12; Col 4.7-8

Ephesians 6

Nia dama mo nia maadua

(Colossians 3.20-21)

Nia damagiigi, di godou waawa hegau dama a Christ belee hagalongo gi godou maadua, idimaa, deenei di mee donu e hai. “Hagalaamua ina doo damana mo doo dinana,” deenei taganoho matagidagi dela iai dono hagababa boloo: a  “Nia mee huogodoo la ga humalia i godou baahi, gei goodou ga mee di mouli waalooloo i hongo henuailala.”

Nia maadua, hudee heia godou dama gi hagawelewele balumee, aago ina digaula gi nia agoago dama a Christ mono agoago hagamaamaa.

Nia hege mo nia dagi

(Colossians 3.22-4.1)

Nia hege, gi hagalongo gi godou dagi henuailala i di hagalaamua, gi heia i di manawa balabala, gi hai be di godou hai hegau gi Christ. Nia mee aanei hagalee ne belee hai hua i di madagoaa digaula e mmada adu gi goodou, bolo gi humalia goodou i nadau baahi, gei gi heia aga i lodo godou manawa hagatau nia mee ala e hiihai ginai a God, be nia hege Christ. Goodou go nia hege, heia godou hegau i di tene, be nia hegau e hai i Tagi, hagalee gi nia daangada. Goodou gi iloo bolo di Tagi e hui tangada nei mo tangada nei i nadau hegau humalia, e de hilihili be digau moholo be nia hege.

Nia dagi, heia hua go di hai deenei gi godou hege, hudee hagamadagudagu ina digaula gi nia helekai. Gi iloo bolo goodou mo godou hege la digau ni di Tagi e dahi dela i di langi, e hagi aga digau huogodoo i di ala hua e-dahi. b 

Nia goloo heebagi a God

10 Haga muliagina, hagamaaloo ina goodou i di godou buni ang gi Tagi i ono mahi maaloo. 11 Ulu i nia goloo heebagi huogodoo a God ala e gowadu, gei goodou ga mee di tuu gi mau i di heebagi gi Satan mo ana halahalau. 12 Idimaa, gidaadou hagalee heebagi gi nia daangada dangada, e heebagi hua gi nia mahi o nia hagataalunga huaidu o nia dagi di langi, nia dagi aamua, mo nia mahi mogobuna o di madagoaa bouli. 13 Deelaa laa, goodou ulu i nia goloo heebagi a God dolomeenei, gei goodou gi mee di duuli gi daha nia heebagi o di hagadaumee i di madagoaa huaidu ma ga dae mai, gei muli teebagi, goodou e maaloo huaigolo. 14 Goodou gi togomaalia i di tonu be di tuu dela e nnoo gi goo godou huaidina, i di hai mee donu be di haaligi hadahada, c  15 mo di togomaalia di hagadele di Longo Humalia o di aumaalia, be goodou ma ga ulu godou suudi gi mau. d  16 Daahia di hagadonu i godou baahi i nia madagoaa huogodoo, e hai di duuli, gei goodou ga mee di diinai nia amu maalei ulaula ala e puu mai go tangada huaidu. 17 Goodou gi gahu i di goobai di hagamouli, mo di kae Nnelekai a God go tulumanu dauwa e- gowadu go di Hagataalunga Dabu. e 

18 Heia nia mee huogodoo aanei i talodalo, e dangidangi di hagamaamaa gi God. Hai dalodalo i nia madagoaa huogodoo i di Hagataalunga. Dono hadinga bolo goodou gi noho kanakana, gi hudee dugua di godou hai dalodalo i nia madagoaa huogodoo i nia daangada a God huogodoo. 19 Dalodalo labelaa i di au gi God gi gaamai gi di au nia helekai i dogu madagoaa ma ga helekai, gi mee au di helekai maaloo e haga modongoohia aga nia mee nngala di Longo Humalia. 20 Au tangada dela ne hagau e hagadele di Longo Humalia gi nia gowaa i daha, gei dolomeenei gei au gu i-lodo di hale galabudi. Dalodalo bolo gi maaloo au i di helehelekai i di Longo Humalia, be dagu hai dela belee hai.

Nia hagaaloho haga muliagina

21 Tychicus, go tadau duaahina daane hagaaloho ge tangada hai hegau manawa dahi i nia hegau o Tagi, ga hagi adu laa ogu longo gi iloo goodou dogu mouli dolomeenei. f  22 Deelaa di mee ne hagau adu a mee belee hagi adu di madau noho mo di mouli dolomeenei, gei e hai goodou gi manawa maaloo.

23 God Tamana mo di Tagi go Jesus Christ gi dugu anga di aumaalia mo di aloho i di hagadonu gi nia duaahina dama a Christ huogodoo. 24 Tumaalia o God gi madalia digau huogodoo ala e aloho i Tagi go Jesus Christ i di aloho e dee odi.

Copyright information for `KPG