a11.3:Gen 1.1; Ps 33.6, 9; Jn 1.3
b11.4:Gen 4.3-10
c11.5:Gen 5.21-24
d11.7:Gen 6.13-22
e11.8:Gen 12.1-5
f11.9:Gen 35.27
g11.11:Gen 18.11-14, 21.2
h11.12:Gen 15.5, 22.17, 32.12
i11.13:Gen 23.4; 1 Chr 29.15; Ps 39.12
j11.17:Gen 22.1-14
k11.18:Gen 21.12
l11.20:Gen 27.27-29, 39-40
m11.21:Gen 47.31 (LXX), 48.1-20
n11.22:Gen 50.24-25; Ex 13.19
o11.23:Ex 2.2, 1.22
p11.24:Ex 2.10-12
q11.28:Ex 12.21-30
r11.29:Ex 14.21-31
s11.30:Josh 6.12-21
t11.31:Josh 2.1-21, 6.22-25
u11.32:Judg 6.11-8.32, 4.6-5.31, 13.2-16.31, 11.1-12.7; 1 Sam 16.1-1 Kgs 2.11; 1 Sam 1.1-25.1
v11.33:Dan 6.1-27
w11.34:Dan 3.1-30
x11.35:1 Kgs 17.17-24; 2 Kgs 4.25-37
y11.36:1 Kgs 22.26-27; 2 Chr 18.25-26; Jer 20.2, 37.15, 38.6
z11.37:2 Chr 24.21

Hebrews 11

Di hagadonu

Di hagadonu le e iloo modongoohia nia mee ala e hagadagadagagee ginai, ge e modongoohia nia mee de gidee. Di hagadonu dela ne hai go tadau maadua mmaadua gu hai digaula gi kila humalia i baahi o God.

Di hagadonu dela ga iloo gidaadou bolo di langi mo henuailala la ne hai gi nia helekai a God. Malaa, nia mee ala e gidee gidaadou, la ne hai mai i nia mee ala e de gidee. a 

Di hagadonu dela ne hai Abel gi tigidaumaha humalia i tigidaumaha a Cain. Abel e hagadonu, gei mee gu gila humalia, gu donu idimaa God gu hila ang gi dana tigidaumaha. Maeaha maa mee gu made, Abel e helehelekai huaigolo mai i dono hagadonu. b 

Di hagadonu dela ne hai Enoch gi hagalee made, gu lahi mouli gi baahi o God, ge tangada ne gidee a mee ai, idimaa, go God dela ne lahi a mee. Di Beebaa Dabu e helekai bolo i mua dono lahi gi di langi, Enoch gu haga tenetene a God. c  Tangada dono hagadonu ai, le e deemee di haga tenetene a God. Tangada dela e hana gi God, geia gi hagadonu bolo God la i-golo, e haga humalia digau ala e halahala ia.

Di hagadonu dela ne hai Noah gi hagalongo gi nnelekai a God i nia mee ala ga loomoi, gei digi mmada ginai. Mee ne hagalongo gi God, haau dana waga belee haga dagaloaha ia mo dono madahaanau. Deenei la go toloo o henuailala, gei Noah gu donu i mua o God mai i dono hagadonu. d 

Di hagadonu dela ne hai Abraham gi daudali nnelekai a God bolo gi hana gi tenua dela gu hagababa gi mede. Mee ga hagatanga i dono henua donu, gei mee e de iloo tenua dela e hana ginai. e  Di hagadonu o maa dela ga noho iei mee be tangada hua gee i lodo tenua God dela ne hagababa ang gi mee, i lodo nia hale laa, gadoo be Isaac mo Jacob ala ne kae di hagababa la hua mai baahi o God. f  10 Idimaa, Abraham e noho ge talitali di waahale dela ga haga duu go God, dono hagamau le e noho hua beelaa, dono hagaodi ai.

11 Di hagadonu dela ne hai Abraham gi hai tamana, gei mee gu madumadua huoloo, ge dono lodo go Sarah dee hua. Abraham gu hagadonu bolo God e haga gila dana hagababa. g  12 Maeaha maa Abraham gu hoohoo ga made, gei di hagadili a maa le e daamada mai tangada hua e-dahi, ga haga dili ga dogologowaahee, gadoo be nia heduu ala i di gili di langi, mo nia gelegele ala i tongotai e deemee di dau. h 

13 Nia daangada huogodoo ala ne hagadonu , la gu mmade, gei digi kae nia mee a God ala ne hagababa ang gi digaula. Digaula gu gidee mai haga mogowaa, gu tentene hua gi nia mee ala ne hagababa. Gei gu haga modongoohia bolo ginaadou digau hua mai i daha, hagalee digau ni henuailala. i  14 Nia hagadilinga daangada ala e helehelekai beenei, e haga modongoohia bolo digaula e halahala di nadau henua donu. 15 Digaula digi maanadua tenua dela ne hagatanga ai ginaadou. Maa nei bolo digaula gu maanadu beenei, gei digaula ne hula gi muli. 16 Gei deeai! Digaula e halahala hua tenua dela e kaedahi e humalia, dela i di langi. Gei God e hagalee langaadia digau ala ma ga dugu ia bolo di God ni ginaadou, idimaa, God gu hagatogomaalia di waahale digaula.

17 Di hagadonu dela ne hai Abraham gi tigidaumaha dana dama daane go Isaac i di madagoaa God ne hagamada a mee. Abraham dela ne hai ginai di hagababa a God, gei mee gu togomaalia ga tigidaumaha dana dama daane hua e dahi. j  18 God gu helekai gi mee, “Oo hagadili ala ne hagababa ko au adu gi di goe le e daamada mai i Isaac.” k  19 Abraham gu iloo ia, bolo God le e mee hua di haga mouli aga Isaac mai i di made. Gei gidaadou e mee hua di helekai bolo Abraham gu daa a Isaac mai i di made.

20 Di hagadonu dela ne hai Isaac gi hai dana hagababa gi Jacob mo Esau i di maluagina dela ga dau mai. l 

21 Di hagadonu dela ne hai Jacob gi haga maluagina nia dama daane Joseph i mua dono made. Mee ne togo gi hongo dana dogodogo, ga bala gi mua . m 

22 Di hagadonu dela ne hai Joseph gi haga modongoohia aga i mua dono made di hagatanga digau Israel gi daha mo Egypt. Gei mee ne haga modongoohia labelaa di nadau benebene dono huaidina i muli dono made. n 

23 Di hagadonu dela ne hai tamana mo tinana Moses gi dugu hagammuni a Moses i nia malama e dolu i muli dono haanau. Meemaa ne mmada gi di tama dela e madamada, gei meemaa gu hagalee mmaadagu nia haganoho di king. o 

24 Di hagadonu dela ne hai Moses gi de hiihai i dono madagoaa ne madua, bolo digaula gi haga waalanga ia bolo di tama ni tama ahina di king o Egypt. p  25 Mee hagalee hiihai e tene gi di huaidu dela e hai i di madagoaa bodobodo, gei mee e hiihai e hagaduadua madalia nia dama a God. 26 Mee daumada hua di hui dela e hanimoi i ono mua, idimaa mee e iloo bolo di hagaduadua kono ang gi Mesaia le koia e maluagina mogowaa i nia maluagina hagalabagau huogodoo o Egypt.

27 Di hagadonu dela ne hai Moses gi hagatanga Egypt, gei mee hagalee madagu i di hagawelewele o di king. Mee digi hana gi muli, i mee e daumada di God dela e deemee di mmada ginai. 28 Di hagadonu dela ne hai a mee gi haganoho di Pasoobaa, ga helekai bolo nia dodo gi hunua gi hongo nia bontai nia hale o digau Israel, bolo tangada di langi o di made ga gidee ia, ga hagalee daaligi nia ulu mmaadua digau Israel. q 

29 Di hagadonu dela ne hai digau Israel gi mee di hula laa lodo Tai Mmee, gei di maa gu bagu be hongo henua. Digau o Egypt ga hagamada belee hula, gei digaula gu haga holi go tai. r 

30 Di hagadonu dela ne hidi ai nia abaaba di waahale Jericho ga mooho, i muli digau Israel ne haganiga di waahale deenei i nia laangi e hidu. s  31 Di hagadonu dela ne hidi ai di ahina huaidu go Rahab ga dagaloaha, idimaa, mee ne benebene digau hagadina hagammuni, gei mee digi dau madalia digau de hagalongo ala ne daaligi. t 

32 Au belee helekai huaigolo? Dogu madagoaa ai, e helekai i Gidion, Barak, Samson, Jephthah, David, Samuel, mo nia soukohp. u  33 Di hagadonu dela ne hai digaula gi heebagi gi nia henua huogodoo ala i golo, ga maaloo. Digaula gu hai nia mee ala e donu, gu kae nia hagababa a God ang gi digaula. Digaula gu pono nia ngudu nia laion. v  34 Digaula gu diinai nia ahi maaloo, gu hagalee tale gi taaligi hulumanu dauwa. Digaula gu paagege, gei gu maaloo. Digaula e maaloo i lodo tauwa, gu daaligi digau dauwa tuadimee. w  35 Mai di hagadonu, nia ahina gu lahi nadau gau mmade ne mouli aga labelaa gi daha mo di made.

Hunu daangada hagalee hiihai e haga maahede, digaula gu mmade i di hagaduadua, bolo gi mouli aga ginaadou gi di mouli mada humalia. x 
36 Hunu ginaadou ne haga mmaemmae ga haga mamaawa, ge hunu gau ne lawalawa, ne kili gi lodo di hale galabudi. y  37 Hunu gau ne dilidili, hunu gau ne duuduu gi nia doaa, hunu gau ne daaligi gi nnulumanu dauwa, hunu gau ne haga ulu gi nia gili manu siibi mono gili manu kuud. Hunu gau ne hai gi hagaloale, ge e hagaduadua hagahuaidu, ge hagalee benebene haga humalia. z  38 Henuailala hagalee humalia gi digaula. Digaula gu hula, gu heehee hua i lodo nia anggowaa mo i hongo nia gonduu, ge noho i lodo nia bongoo hadugalaa mono bongoo i lodo di gelegele.

39 Malaa, nia daangada aanei huogodoo gu modongoohia bolo ginaadou digau humalia mai i nadau hagadonu. Gei digaula la digi kae di mee a God dela ne hagababa anga, 40 idimaa God gu hai dana hagatau dela koia e humalia mai gi gidaadou, bolo digaula la gi madalia gidaadou, gei digaula ga dohu dogomaalia.

Copyright information for `KPG