a8.1:Ps 110.1
b8.5:Ex 25.40
c8.8-12:Jer 31.31-34

Hebrews 8

Jesus tadau dangada aamua hai mee dabu

Deenei di maanadu dogomaalia i nia mee ala nogo helehelekai iei au, bolo gidaadou gu hai tadau dagi aamua hai mee dabu dela e noho i di baahi gau donu i di lohongo king i di langi, a  e hai hegau i lodo di Gowaa Koia e Dabuaahia, di hale laa donu dela ne hai go God, ge hagalee ne hai go nia daangada.

Nia dagi aamua hai mee dabu huogodoo la ne dongo belee hai nadau wanga dehuia mono tigidaumaha manu ang gi God. Malaa, tadau Dagi Aamua Hai mee dabu, e hai gi hai dana tigidaumaha labelaa. Maa nei bolo mee e noho i henuailala, gei mee e deemee di hai tangada hai mee dabu, idimaa, ma digau hai mee dabu i golo ala e hai nia wanga dehuia ge e haihai nadau tigidaumaha gi hai be nnaganoho digau o Jew. Nnegau ala e hai go digaula, la nia ada hua o nia mee ala e hai i di langi. E hai gadoo be Moses dela ne haga duu dana Hale laa Daumaha. God ne helekai gi mee, “Mmada gi humalia, heia nia mee huogodoo, gi hai be di ada dela ne haga modongoohia adu gi di goe i tomo di gonduu.” b  Gei dolomeenei, Jesus gu kae di waawa hegau o tagi aamua hai mee dabu, dela koia e humalia i nia hegau digaula, gadoo be di hagababa dela ne hai go mee i mehanga God mo ana daangada. Di hagababa deenei koia e humalia i di hagababa namua, idimaa, ne hai mai i nia hagababa o nia mee mada humalia. Maa nei bolo di hagababa matagidagi la digi hala, di lua hagababa la digi heia, idimaa, God gu gidee bolo ana dama la gu ihala, ga helekai,

“ Di madagoaa e dae mai, gei au ga hai dagu hagababa gi di digau Israel mo digau o Judah. (Aanei nnelekai Dimaadua ne hai.) c 
Di hagababa deenei la hagalee hai be di hagababa dela ne hai ko au gi nadau maadua mmaadua i di laangi ne kumi nia lima digaula, ga dagi mai gi daha mo Egypt, gei digaula digi daudali di hagababa dela ne hai gi digaula, dela dagu mee ne de hiihai iei au gi digaula. 10 Deenei di hagababa ga hai ko au gi digau Israel i nia laangi ala ga loomoi: au ga haga honu digaula gi agu haganoho, ga hihi nia maa gi lodo nia manawa digaula. Digaula ga hai nia dama ni aagu, gei au ga hai di God ni digaula. Aanei nnelekai Dimaadua ne hai. 11 Deai tangada e aago dono ihoo, be e hagi ang gi tangada dono henua bolo iloo Dimaadua ai. Nia daangada huogodoo, digau lligi mo digau aamua, ga iloo ginaadou au. 12 Gei au ga dumaalia gi nia huaidu digaula, ga haga de langahia nia hai hala digaula.” 13 Dono madagoaa ne helehelekai i di hagababa hoou, gei God ga hai di hagababa namua gi bobo, gei nia mee ala ga pobo ga ngudu, e limalima hua di hagalee.

Copyright information for `KPG