b13.14:Ex 20.9-10; Deut 5.13-14
c13.27:Ps 6.8
d13.28:Mt 22.13, 25.30
e13.28-29:Mt 8.11-12
f13.30:Mt 19.30, 20.16; Mk 10.31
g13.35:Ps 118.26; Jer 22.5

Luke 13

Huli gi daha mo oo huaidu gi dee made goe

Di madagoaa deelaa, digau dulii nogo i golo ga helekai gi Jesus i digau Galilee ala ne daaligi go Pilate i di nadau madagoaa nogo hai nadau tigidaumaha ang gi God. Jesus ga helekai, “Idimaa digau Galilee ala ne daaligi beelaa, gei goodou e hagabau bolo digaula le e huaidu laa hongo digau Galilee ala i golo? Gei deeai! Au e hagi adu gi goodou bolo maa goodou ga hagalee huli gi daha mo godou huaidu, goodou e mmade huogodoo be digaula. E hai behee go digau dilongoholu maa walu nogo i Siloam
13:4 “Siloam”di goaa i loto Jerusalem.
ala ne mmade i di angulaa ne hinga gi hongo digaula? Goodou e hagabau bolo digaula koia e huaidu i digau huogodoo ala i Jerusalem?
Gei deeai! Au e helekai adu bolo maa goodou hagalee huli gi daha mo godou huaidu, gei goodou huogodoo le e mmade gadoo be digaula.”

Di ala kai o di laagau-‘fig’ dee hua

Jesus ga helekai gi digaula di ala kai deenei, “Taane dana laagau-‘fig’ e tomo i lodo di gowaa dogi waini. Mee e haga dinadina di ‘fig’ be di maa gu hua, gei digi hua. Gei mee ga helekai gi dana dangada hai hadagee boloo, Nia ngadau e dolu nogo hani hanimoi iei au belee mmada be di maa gu hua, gei au digi gidee nia hua. Hele ina di maa gi lala. Maeaha dela e haga hai hegau balumee nia gelegele. Gei tangada hai hadagee ga helekai, Meenei, dugua gi hai dono ngadau e dahi i golo, gei au ga haga oho di maa. Hila hua di laagau-‘fig’ deenei ga hua di ngadau dela i golo, gei di maa gu humalia huoloo, maa ga hagalee, gei goe ga hele laa di maa gi lala.”

Jesus e hagahili di ahina habehabe i di Laangi Sabad

10 Dahi Laangi Sabad, gei Jesus nogo agoago i lodo synagogee. 11 Di ahina i golo iai di hagataalunga huaidu i ono lodo dela ne hai a mee gi magi nia ngadau madangaholu maa walu. Mee gu biga gi mua, gu deemee di duu donu gi nua. 12 Di madagoaa Jesus ne gidee ia, ga gahi mai a mee, “Di ahina, goe gu mehede gi daha mo doo magi!” 13 Jesus ga dugu ono lima gi hongo o mee. Di madagoaa hua deelaa, di ahina dela gu duu donu gi nua mo di hagaamu a God. 14 Gei tagi o di synagogee gu hagawelewele gi Jesus dela ne haga hili dana magi i di Laangi Sabad, ga helekai gi nia daangada, “Nia laangi e ono ala e ngalua ai gidaadou, goodou hagahili ina godou magi i nia laangi aalaa, hagalee i di Laangi Sabad. b  15 Gei Tagi ga helekai gi mee, “Goodou digau hai hegau ngudu golomada! Goodou e hagamehede godou kau mo godou ‘donkey’ i di nadau gowaa, e dagi gi daha belee haga inu i di Laangi Sabad. 16 Deenei tangada di hagadili a Abraham dela nogo lawalawa go Satan i nia ngadau madangaholu maa walu. Mee hagalee belee hagamehede i di Laangi Sabad?” 17 Telekai a mee deenei la gu haga langaadia ono hagadaumee, gei nia daangada dogologo le e tentene gi nia mee haga goboina nogo hai go mee.

Di ala kai o di lii laagau-“mustard”

(Matthew 13.31,32; Mark 4.30-32

18 Jesus ga heeu, “Tenua o God le e hai be di aha? Ma e hagatau ko au gi di aha? 19 Ma e hai beenei: Dahi daane ne kae ana lii laagau-“mustard”, ga dogi i dana gowaa. Di laagau ga tomo, ga damana, gei nia manu ga hai nadau waehongo i nia manga o di maa.”

Di ala kai o nia ‘yeast’

(Matthew 13.33)

20 Jesus ga heeu labelaa, “Au ga hagatau Tenua o God gi di aha? 21 Ma e hai beenei: Di ahina ne kae ana ‘yeast’, ga unugi dana haga munga palaawaa, gei di palaawaa la ga tanga.”

Di bontai mada giigi

(Matthew 7.13,14,21-23)

22 Jesus gu hana laa lodo nia waahale llauehe mo lligi e agoago nia daangada, gei e hai dono ala gi Jerusalem. 23 Tangada ga heeu gi mee, “Meenei, ma digau hua dulii ala ga mouli?”

Jesus ga helekai gi digaula,
24 “Heia godou mee ala e mee gi ulu goodou i di bontai mada giigi, idimaa, digau dogologo e hagamahi bolo ginaadou e ulu i di maa, gei e deemee. 25 Di tagi o di hale ga tai di bontai, gei goodou ga tuu i malaelae ga daamada ga dugidugi di bontai mo di helekai boloo, Meenei, hugea mai di bontai gi gimaadou. Gei mee ga helekai adu gi goodou boloo, Au e de iloo be goodou ne lloomoi i hee! 26 Gei goodou ga helekai boloo, Gimaadou nogo miami nogo inu madalia goe. Goe nogo agoago i di madau waahale! 27 Gei mee ga helekai labelaa, Au e de iloo be goodou ne lloomoi i hee. Tuu i-daha mo au, goodou huogodoo digau huaidu! c  28 Goodou ga tangitangi ga gadigadi godou niha di godou madagoaa ma ga mmada gi Abraham, Isaac mo Jacob, mo nia soukohp huogodoo i lodo Tenua o God, i di madagoaa dela e kili goodou gi daha. d  29 Nia daangada ga lloo ia i dua ge e lloo aga i dai, ga lloomoi ngeia ge e loomoi ngaaga, ga noho gi lala i tagamiami i lodo Tenua o God. e  30 Gei digau ala mugi muli dolomeenei ga hula laa mua, gei digau ala e mugi mua dolomeenei ga hula la muli.” f 

Jesus e aloho i Jerusalem

(Matthew 23.37-39)

31 Di madagoaa deelaa, hunu Pharisee ne loomoi gi Jesus, ga helekai gi mee, “ Hna gi tuai gowaa, idimaa, Herod e hiihai e daaligi goe.” 32 Gei Jesus ga helekai gi digaula, “Hula, haga iloo gi di manu-“fox” deelaa, bolo au e hagabagi agu hagataalunga huaidu, gei e hagahili agu magi dangi nei mo daiaa, gei au ga lawa agu hegau i tolu laangi. 33 Au ga hana i dogu ala dangi nei, daiaa mo dono daiaa. Ma hagalee donu, bolo soukohp e daaligi i tuai gowaa, dela hua i Jerusalem. 34 Jerusalem, Jerusalem! Goe gu daaligi nia soukohp mo di dilidili digau kae hegau a God ala ne hagau mai gi di goe. Nia holongo e hia au ne hiihai di holo ogu lima, e daabui mai goodou huogodoo, gadoo be teduu ahina ma ga daabui mai ana dama gi lala ono bakau, gei goe digi dumaalia mai gi di au! 35 Gei dau Hale Daumaha la ga diiagi. Au e haga modongoohia adu gi di goe, bolo goe ga deemee di mmada mai gi di au, ga dae loo gi doo madagoaa ga helekai boloo, God gu haga maluagina tangada dela ga hanimoi i di ingoo o Dimaadua. g 

Copyright information for `KPG