a16.13:Mt 6.24
b16.16:Mt 11.12-13
c16.17:Mt 5.18
d16.18:Mt 5.32; 1 Cor 7.10-11

Luke 16

Tangada huaidu benebene mee

Jesus ga helekai gi ana dama agoago, “Taane maluagina dana dangada hai hegau benebene ono goloo. Dono dagi gu longono bolo mee ana bahihadu e hagauwwou go dana dangada hai hegau. Tagi ga gahi mai a mee ga helekai boloo, Ma di aha dela ne longono eau? Gaamai di beebaa haga modongoohia au mee nogo benebene, idimaa, goe ga hagalee hai dagu dangada benebene mee. Tangada benebene mee ga hagamaanadu boloo, Dogu dagi la ga daa au gi daha mo dagu moomee. Au ga hai dagu aha? Au e bagege di geli agu aloalo, gei au e langaadia di madamadau agu mee. Au e iloo dagu mee dela ga hai, di madagoaa dagu moomee ga hagalee, gei au ga hai ogu ihoo gi benebene au i nadau guongo. Mee ga gahi mai digau huogodoo ala e boibana gi dono dagi. Mee ga heeu gi tangada matagidagi boloo, Doo boibana gi dogu dagi le e hia? Gei mee ga helekai, Nia ulu mee lolo olib e lau. Tangada benebene mee ga helekai gi mee, Noho gi lala, hihia gi madalima. Gei mee ga helekai labelaa gi tangada i golo boloo, Goe e boibana e hia? Gei mee ga helekai boloo, Nia ulu mee wheat” e mana(1,000). Tangada benebene mee ga helekai gi mee, Deenei doo boibana, hihia gi walu lau(800). Gei di mee ne gila mai, tagi o tangada benebene mee tilikai deenei ga hagaamu a mee dela ne hai ana mee kabemee, idimaa, digau henuailala la koia e kabemee di hai nia mee ang gi ginaadou i hongo digau ala gu hai nia daangada ni di maalama.” Jesus ga helekai, “Au e hagi adu gi goodou gi hai hegau i godou goloo o henuailala ang gi nia daangada, gei digaula ga hai nia hoo hagaaloho ni goodou i di madagoaa nia goloo ma ga hagalee, gei God ga benebene goodou gi lodo tenua dono hagaodi ai. 10 Be koai e hai hegau donu i nia mee lligi, geia e hai hegau donu i nia mee llauehe. Be koai e hai hegau ihala i nia mee lligi, geia e hai hegau ihala i nia mee llauehe. 11 Maa goodou hagalee hai hegau donu i nia maluagina henuailala, ma koai dela ga dugu adu nia maluagina ala e donu gi hai hegau ai goodou? 12 Maa goodou ga hagalee hai hegau donu gi nia mee o tuai dangada, ma koai ga gowadu nia mee ala e donu? 13 Tangada hai hegau e deemee di hege gi nia dagi dogolua, i mee ga dee hiihai gi tangada e dahi, ga aloho tangada dela i golo. Mee ga hagalaamua tangada e dahi, ga hagahuaidu tangada dela i golo. a  Goodou e deemee di hai di hege ni God mo ni nia bahihadu.”

Hunu helekai mai baahi o Jesus

(Matthew 11.12,13; 5.31,32; Mark 10.11,12)

14 Nia Pharisee ne longono nia mee aanei, ga helekai haga gadagada dangada i Jesus, idimaa, digaula e hiihai huoloo gi nia bahihadu. 15 Jesus ga helekai, “Goodou e hai goodou gi mmada hagahumalia ginai nia daangada, gei God e iloo ia godou manawa. Idimaa, nia mee ala e haga dahidamee go nia daangada, la nia balumee i mua o God. 16 Nnaganoho Moses mo nia Beebaa o nia Soukohp, le e mogobuna hua dono hai hegau ai ga dae loo gi di madagoaa o John Babdais. Nomuli, go di Longo Humalia o Tenua o God gu hagadele, gei digau huogodoo ga hagamahi gi madalia ginaadou. b  17 Ma e mada haingoohia go di langi mo henuailala ma ga hagalee, i di mee dela koia e dulii loo i nnaganoho ma ga hagalee. c  18 Taane dela ma ga hudu gi daha dono lodo, ga hai dono lodo gi tuai ahina, geia gu ihala i di hala o di hai be di manu. Gei taane dela ma ga lodo gi di ahina dela ne diiagi go dono lodo, le e hala labelaa i di hala hai be di manu. d 

Taane maluagina mo Lazarus

19 “Taane maluagina e ulu i nia gahu koia e hui ngadaa, ge e mouli baagawa i nia laangi huogodoo, 20 gei tangada hagaloale i golo, dono ingoo go Lazarus, gu buni magibala dono gili, e nnoo mau e laha mai gi di ngudu di bontai tangada maluagina deenei, 21 e noho belee gai nia meegai ligiligi monnono i teebele tangada maluagina, gei nia paana e loomoi e tobotobo nia magibala o maa. 22 Taane hagaloale ga made, ga lahi go digau di langi gi baahi o Abraham i tagamiami i di langi. Taane maluagina ga made labelaa, ga danu. 23 I lodo “Hades”,
16.23 Hades:di gowaa digau mmade
mee gu mmae ang gi deia huoloo, gei mee ga mmada gi Abraham e gila mai mogowaa, gei Lazarus i dono baahi.
24 Gei mee ga wolo adu, Tamana Abraham! Aloho mai gi di au! Hagau ina mai a Lazarus e haga tiu dono madaalima e haga tiu dogu holole gi magalillili, i di au gu mmae huoloo i lodo di ahi deenei! 25 Abraham ga helekai, Dagu dama daane, goe langahia e-goe doo madagoaa nogo mouli, gei goe nogo hai mee gi nia mee humalia, gei Lazarus nogo hai mee gi nia mee huaidu. Dolomeenei gei mee e tentene, gei goe e mmaemmae i lodo di ahi. 26 Gei di maa di lua llala i tadau mehanga, digau ala e hiihai e loo adu be loomoi la gu deemee. 27 Taane maluagina ga helekai, Au e dangidangi adu, tamana Abraham, hagau ina a Lazarus gi di hale dogu damana, 28 di gowaa dela iei ogu duaahina daane dogolima. Heia a mee gi haga iloo gi digaula gi dee loo aga hua digaula gi di gowaa haga mmaemmae deenei. 29 Gei Abraham ga helekai, Oo duaahina nadau gau haga iloo i golo: go Moses mo nia Soukohp, gei ginaadou gi hagalongo gi digaula. 30 Taane maluagina ga helekai, Tamana Abraham, Deenaa la hagalee dohu! Maa tangada e mouli aga gi daha mo di made , e hana gi digaula, gei digaula ga maalui mai gi daha mo nadau huaidu. 31 Gei Abraham ga helekai, Digaula ma ga hagalee hagalongo gi Moses mo nia soukohp, ginaadou le e deemee hogi di maalui nadau manawa, maeaha maa tangada dela ne made ga mouli aga, ga hana gi digaula.”

Copyright information for `KPG