a17.3:Mt 18.15
b17.14:Lev 14.1-32
c17.26:Gen 6.5-8
d17.27:Gen 7.6-24
e17.28-29:Gen 18.2019.25
f17.31:Mt 24.17-18; Mk 13.15-16
g17.32:Gen 19.26
h17.33:Mt 10.39, 16.25; Mk 8.35; Lk 9.24; Jn 12.25
i17.37:Mt 24:28

Luke 17

Di huaidu

(Matthew 18.6,7,21,22; Mark 9.42)

Jesus ga helekai gi ana dama agoago, “Nia mee ala e hai nia daangada gi too gi lodo di huaidu e mee di kila, malaa e huaidu huoloo gi tangada dela ne hai nia maa gi kila! Maa ia ga nnoo ginai di hadu damana gi dono ua, ga hagabubulu, e koia e humalia i mee ma ga hai digau lligi aanei gi hala! Goodou gi pula i godou mee ala e hai! a 

Doo duaahina daane ma ga hai hala, gei goe haga donu ina gi mee. Mee gu maliu ono lodo, goe dumaalia gi mee.
Gei mee ga hai hala adu gi di goe haga hidu i di laangi e dahi, gei mee ga hanaga haga hidu gi di goe, ga helekai bolo ia gu maliu ono lodo, gei goe gi dumaalia gi mee.”

Di hagadonu

Ana dama agoago ga helekai boloo, “Meenei Tagi, hagamaaloo ina aga madau hagadonu!” Tagi ga helekai, “Maa godou hagadonu la ga llauehe be di lii o di laagau-“mustard”, gei goodou gu mee hua di helekai gi di laagau damana deenei boloo, Daagia goe, hana, dogia goe i lodo di moana! Gei di maa ga hagalongo adu gi goodou.

Tuhongo hegau o tangada hai hegau

“Dolomaa tei goodou dana hege e taa ana geinga i lodo dau hadagee, be e hahaangai au siibi i lodo henua. E hai behee? Dono madagoaa ma ga hanimoi ai gi di goe, goe ga helekai gi mee boloo: Limalima, noho gi lala, miami? Deeai! Goe ga helekai gi mee boloo: Hagatogomaalia ina dogu hagangudu hiahi, ulu gi lodo oo goloo dunu meegai e hai hegau mai gi di au. I muli doo miami ge inu, gei goe ga miami laa. Di hege dela ne haga gila aga nnelekai dono dagi le e humalia dono danggee ginai, be deeai? 10 E hai gadoo be goodou. Di godou haga kila aga nia mee huogodoo ala belee hai, goodou la gi helekai boloo, Gimaadou nia hege hua, ne hai hua madau duhongo hegau.”

Jesus e hagahili digau magi genegene dilongoholu

11 Nomuli, gei Jesus ga hanadu i mehanga Samaria mo Galilee gi Jerusalem. 12 Dono ulu adu gi lodo di waahale dulii, ga heetugi gi nia daane magi genegene dilongoholu(e tuu haga mogowaa). 13 Gei digaula ga wwolo gi mee, “Meenei Jesus! Tagi aamua! Aloho mai gi gimaadou!” 14 Gei Jesus ga gidee digaula, ga helekai, “Hula gi baahi digau hai mee dabu, e haga dina goodou.”

Di nadau hula, gei digaula gu madammaa nadau gili. b 
15 Tangada e dahi i digaula ne gidee dono gili gu madammaa, geia ga hanimoi gi Jesus, ga wolo gi nua ga hagaamu a God. 16 Mee ga bala ia gi mua nia wae o Jesus ga hagaamu a mee. Mee taane Samaria. 17 Jesus ga heeu, “Ma hagalee digau dilongoholu ala ne hili nadau gili? Aahee digau dogohiwa? 18 Ma e aha tangada tuadimee hua ne hagaamu gi God? 19 Gei Jesus ga helekai gi taane, “Duu i-nua, hana, doo hagadonu dela ne hagahili goe.”

Di dau mai Tenua o God

(Matthew 24.23-28,37-41)

20 Hunu Pharisee ga heeu gi Jesus be Tenua o God le e dau mai ma ga hee.

Mee ga helekai, “Tenua o God hagalee dau mai i di hai e gidee.
21 E deai tangada e hai boloo, Mmada, ma deenei! be e hai boloo, Ma deelaa! idimaa, Tenua o God la dela hua i godou baahi.” 22 Gei mee ga helekai gi ana dama agoago, “Di madagoaa ga dau mai, gei goodou ga hiihai e mmada gi di laangi e dahi i nia laangi o Tama Tangada, gei goodou de gidee di maa. 23 Digau i golo ga helekai adu gi goodou boloo, Mmada, mee deelaa! be ga helekai boloo, Mee deenei! Gei goodou hudee hula gi malaelae e mmada. 24 Di hai o di laangi o Tama Tangada e hai gadoo be di ila dela e daba i di baahi o di langi, ga ina loo gi di baahi dela i golo. 25 Matagidagi gei mee e hai loo gi hagaduadua ge e haga balumee go nia daangada o di madagoaa dolomeenei. 26 Nia mee ala ne hai i tolongo o Noah, aalaa nia mee ga hai i nia laangi o Tama Tangada. c  27 Nia daangada huogodoo nogo miamiami ge inuinu, nia daane mono ahina nogo haga haga hai lodo, ga dae loo gi di laangi o Noah ne ulu gi lodo dono waga, gei toloo ga hai, ga daaligi digaula huogodoo gi mmade. d  28 Nogo hai labelaa be tolongo Lot. Digau huogodoo nogo miamiami hua mo di inuinu, nogo huihui mee mo di hui gi daha, nogo dogi nadau gowaa ge haga duu aga nadau hale. e  29 Gei di laangi dela ne hagatanga ai a Lot i Sodom, gei di ulaula mo dono ua hadu-“sulfur” ga doo ia i di langi, ga daaligi digaula huogodoo. 30 Deelaa di hai ga hai i di laangi o Tama Tangada ma ga haga modongoohia ai. 31 Di laangi deelaa, maa tangada i tua tala di hale, gi hudee haneia gi lodo di hale e kae ono goloo. E hai gadoo be tangada i lodo henua, hudee hana gi dono hale. f  32 Goodou gi langahia di lodo o Lot! g  33 Digau ala e hagamahi e benebene nadau mouli, nadau mouli la ga hagalee. Gei digau ala e wanga dehuia nadau mouli, ga haga mouli. h  34 Au e hagi adu gi goodou bolo di boo deelaa, nia daangada dogolua e kii di hada e dahi, tangada e dahi ga lahi, gei e dahi ga dubu i golo. 35 Nia ahina dogolua e mmili nau lii-‘wheat’ i di gowaa e dahi, di ahina e dahi ga lahi, gei e dahi ga dubu i golo. 36 [Nia daangada dogolua i lodo henua, tangada e dahi ga lahi, gei e dahi ga dubu i golo.”] 37 Nia dama agoago a maa ga heeu gi mee boloo, “Tagi, di gowaa dehee?”

Gei Jesus ga helekai, “Di gowaa dela iai tuaidina dangada made, nia manu mamaangi gai dangada ga dagabuli mai gi golo!” i 

Copyright information for `KPG