a14.1:Ezek 9.4; Rev 7.3
b14.5:Zeph 3.13
c14.8:Is 21.9; Jer 51.8; Rev 18.2
d14.10:Is 51.17; Gen 19.24; Ezek 38.22
e14.11:Is 34.10
f14.14:Dan 7.13
g14.15:Joel 3.13
h14.20:Is 63.3; Lam 1.15; Rev 19.15

Revelation of John 14

Ta maa siibi mo ana daangada

Gei au ga mmada, ga gidee Ta maa siibi e duu i hongo di gonduu Zion, gei nia daangada e lau madahaa maa haa mana(144,000) gu hihi ginai di ingoo o maa mo di ingoo o dono Damana i hongo nadau lae, e tuu i baahi o mee. a  Gei au ga longono di lee mai di langi, e hai be di lee monowai doo, e hai be di lee atili damana, e hai labelaa be nia lee daahili e hai go digau hai daahili e badubadu nadau mee hai daahili-‘harp’. Nia daangada e lau madahaa maa haa mana(144,000) nogo tuu i mua di lohongo king mo i mua nia manu mouli e haa, mo i mua nia daangada mmaadua aamua. Digaula nogo dadaahili taahili hoou, deai tangada e mee di kabe di maa ai, ala hua go digaula. Aanei digau ala gu- haga- dagaloaha mai digau henuailala belee haga mouli. Digau aanei la go nia daane ala ne benebene ginaadou haga madammaa gi daha mo nia ahina, i ginaadou digi kii loo i baahi nia ahina. Digaula e daudali Ta maa siibi gi nia gowaa huogodoo ala e hana ginai mee. Aanei go ginaadou ala ne haga dagaloaha mai digau henuailala, go ginaadou la hua ala ne tigidaumaha matagidagi loo ang gi God mo Ta maa siibi. Digaula digi hai loo nadau kai tilikai. Digaula digi hai loo nadau mee hala. b 

Digau di langi dogodolu

Nomuli, gei au ga mmada labelaa gi tuai dangada di langi e mamaangi i lodo di ahiaalangi mo dana Longo Humalia dee odi belee haga iloo ang gi nia daangada henuailala, nia daangada henua, nia madawaawa, nia helekai, mo nia henua llauehe huogodoo. Mee ga helekai gi nua, “Hagalaamua ina God mo hagaamuina dono aamua! Idimaa, dono madagoaa e hagi aga digau henuailala la gu dae mai. Daumaha gi mee dela ne hai di langi mo henuailala, di moana mo nia monowai!”

Togolua dangada di langi ga daudali tangada di langi matagidagi, ga helekai, “Maa gu mooho! Di waahale aamua Babylon gu mooho! Mee gu hai nia daangada huogodoo gi inu ana waini, go nia waini maaloo o ana hiihai be di mouli hai be di manu dela e hagahuaidu dangada.” c 

Togodolu dangada di langi ga daudali nia daangada di langi dogolua aanei, ga helekai gi nua, “Be koai hua ga daumaha gi di manu huaidu mo dono ada, ga kae di hagailongo i hongo dono lae be i hongo dono lima, 10 geia ga inu nia waini a God, go nia waini maaloo o dono hagawelewele, dela ne dui go mee gi lodo di ibu o dono hagawelewele! Digau huogodoo ma ga inu nia waini aanei, le e haga mmaemmae i lodo di ahi “sulfur” wele ngongoaa i mua digau di langi haga madagu mo Ta maa siibi. d  11 Nia huiahi o di ahi dela e haga mmaemmae digaula, le e buu gi nua ga hana hua beelaa. Di hagamolooloo boo mo aa ai, ang gi digau ala e daumaha ang gi di manu mo dono ada, mo digau huogodoo ala gu kae di hagailongo o dono ingoo.” e  12 Di mee deenei le e hai bolo nia daangada a God la gi tuu maaloo i lodo nadau hagadonu, go digau ala e daudali nnelekai a God, gei e manawa dahi ang gi Jesus.

13 Nomuli, gei au ga longono di lee mai di langi e helekai, “Hihia di mee deenei: Tugi dolomeenei ga hana hua beelaa, e maluagina go digau ala e mmade i lodo nnegau o Tagi!”

Di Hagataalunga ga helekai, “Uaa, digaula ga hagamolooloo mai i nadau hegau haingadaa, idimaa, nia hua o nadau hegau le e hula dalia ginaadou.”

Di hadi nia hua hegau i henuailala

14 Nomuli, gei au ga mmada, ga gidee di baahi gololangi kene e noho ai di mee be tangada i ono nua, e hai dono hau goolo i hongo dono libogo, mo dana ka maa-“sickle” gaa i lodo dono lima. f  15 Tuai dangada di langi ga ulu mai i lodo di Hale Daumaha, geia ga wolo gi nua ang gi tangada dela e noho i hongo di gololangi, “Hai hegau gi dau ka maa-“sickle”, daamada haadia nia hua laagau, idimaa, di madagoaa la gu dae mai, ge henuailala la gu mmaadua, gu humalia di hadi!” g  16 Gei tangada dela nogo i hongo di gololangi ga haangi dana ka maa-“sickle” gi hongo henuailala, gei henuailala gu hadi ono hua laagau huogodoo.

17 Gei au ga mmada labelaa gi tuai dangada di langi e ulu mai i lodo di Hale Daumaha i di langi, gei mee e daahi labelaa dana ka maa-“sickle” gaa. 18 Gei tuai dangada di langi labelaa, go tangada dela e dagi di ahi, ga hanimoi i di goaa dudu tigidaumaha. Gei mee ga wolo gi nua ang gi tangada di langi dela e daahi dana ka maa-“sickle”, “Hai hegau gi dau ka maa-“sickle”, haadia nia hua laagau-‘grape’ mai di hadagee waini o henuailala, idimaa, nia hua laagau-‘grape’ la gu mmaadua. 19 Gei tangada di langi ga haangi dana ka maa-“sickle” gi hongo henuailala, ga tuu nia hua laagau-‘grape’, ga kili nia maa gi lodo di gowaa dagahi mee o di hagawelewele damanaiee a God. 20 Nia hua laagau-‘grape’ aalaa ga dagadagahi i lodo di gowaa dagahi waini i tua di waahale, gei nia dodo ga hali mai gi daha mo di gowaa dagahi waini deelaa, gu hai di monowai dodo nia maele e lua lau dono looloo, holongo nia piidi e ono di llala. h 

Copyright information for `KPG