a17.1:Jer 51.13
b17.2:Is 23.17; Jer 51.7
c17.3:Rev 13.1
d17.4:Jer 51.7
e17.8:Dan 7.7; Rev 11.7; Ps 69.28
f17.12:Dan 7.24

Revelation of John 17

Di ahina huihui dono huaidina

Gei tangada e dahi i nia daangada di langi dogohidu ala nogo daahi nadau boolo e hidu, ga hanimoi gi di au ga helekai, “Hanimoi, gei au ga hagi adu di hai e hagaduadua di ahina huihui dono huaidina, go mee dela go di waahale damana dela ne hau hoohoo gi nia monowai e logo. a  Nia king o henuailala la gu hai di hai be di manu i baahi di ahina deenei, gei nia daangada o henuailala gu libaliba i di nadau inuinu nia waini di mouli hai be di manu i baahi di ahina deelaa.” b 

Di Hagataalunga gu dagi au, gei tangada di langi gu lahi au gi di anggowaa. Gei au ga mmada gi di ahina e noho i hongo di manu huaidu mmee, dela onoo ingoo e haganneennee a God ala e hihi i hongo di maa hagatau. Di manu deenei la onoo libogo e hidu ge madangaholu madaagoo. c  Di ahina la nogo ulu di gahu gono mmee halatee, ge gono mmee, e laageia gi nia mee humu mee ne hai gi nia goolo, nia hadu hagalabagau, mo nia hadu lodo baehua. I lodo dono lima, mee nogo daahi dana ibu goolo e honu nia mee gulugulua ge dogolia, go nia mee ne hidi mai i dono mouli hai be di manu. d  Di ingoo dela e hihi i hongo dono lae la dono hadinga hagammuni deenei: “Babylon Aamua, go tinana o nia ahina huihui nadau huaidina huogodoo, mo di gowaa e hidi ai nia haihai gulugulua huogodoo i henuailala.” Gei au ga mmada bolo di ahina le e libaliba i nia dodo o nia daangada a God mo nia dodo o digau ala ne daaligi gi mmade, idimaa, digaula nogo daudali a Jesus.

Dogu madagoaa ne mmada gi mee, gei au gu goboina huoloo.
Tangada di langi deelaa ga heeu mai gi di au, “Goe e goboina di aha? Au ga hagi adu gi di goe di hadinga hagammuni o di ahina mo di manu huaidu dela ne lahi a mee i onoo nua, go di manu onoo libogo e hidu ge madangaholu onoo madaagoo. Di manu huaidu nogo mouli, gei dolomeenei gu hagalee mouli. Mee hoohoo ga hanaga gi daha mo lodo di lua dono dua ai, ga hana gi daha, ga hagalee. Nia daangada e noho i henuailala, digi hihia nadau ingoo i lodo di beebaa o digau e hagamouli i mua di hai o henuailala, la ga goboina i di nadau mmada gi di manu deelaa. Di manu la nogo mouli, gei dolomeenei la gu hagalee mouli, malaa, mee e gila aga labelaa. e 

“Di mee deenei le e humalia e hai gi iloo ge gi modongoohia. Nia libogo e hidu la go nia gonduu e hidu ala e noho ai di ahina i nonua. Nia libogo e hidu la go nia king e hidu . 10 Nia king dogolima la gu hagalee, gei e dahi e dagi huaigolo, gei e dahi digi hanimoi. Mee ga hanimoi, le e dagi hua i lodo di madagoaa bodobodo. 11 Gei di manu huaidu dela nogo mouli i mua ge hagalee mouli dolomeenei, la go togowalu king, tangada i nia king dogohidu, gei mee e hana gi daha, e hai gi hagalee. 12 Nia madaagoo e madangaholu ala ne gidee e-goe la go nia king dilongoholu ala digi daamada di dagi, gei digaula ga dugu anga ginai nia mogobuna e dagi be nia king i lodo di aawaa e dahi, dalia di manu huaidu . f  13 Digau dilongoholu aanei, le e hai nadau maanadu be di mee e dahi, gei digaula ga wanga nadau mogobuna mo nadau donu dagi gi di manu huaidu . 14 Digaula ga heebagi gi Ta maa siibi, gei Ta maa siibi mo ana gau gahi, ana gau hilihili, mo ana gau manawa dahi, la ga haga magedaa digaula, idimaa, mee go Tagi o nia dagi, mo di King o nia king.” 15 Tangada di langi ga helekai mai labelaa gi di au, “Nia monowai ne mmada ginai goe e noho di ahina huaidu i nonua, la go nnenua llauehe, nia daangada, nia hagadilinga daangada henua, mo nia hagadilinga helekai. 16 Nia madaagoo e madangaholu ne mmada ginai goe mo di manu huaidu , la ga de hiihai gi di ahina huaidu deelaa. Digaula ga daa gi daha nia mee a maa huogodoo, ga dugu a mee gi noho ono goloo ai. Digaula ga gai nia goneiga o maa, ga dudu a mee gi di ahi gi hagalee. 17 Idimaa, God gu haga honu nadau maanadu e haga gila dono manawa, e hai nadau maanadu be di mee e dahi, e wanga nadau mogobuna dagi gi di manu huaidu , ga dae loo gi di kila aga o nnelekai a God. 18 Di ahina dela ne mmada ginai goe, go di waahale aamua dela e dagi nia king o henuailala.”

Copyright information for `KPG