a3.3:Mt 24.43-44; Lk 12.39-40; Rev 16.15
b3.5:Ex 32.32-33; Ps 69.28; Rev 20.12; Mt 10.32; Lk 12.8
c3.7:Is 22.22; Job 12.14
d3.9:Is 49.23, 60.14, 43.4
e3.12:Rev 21.2; Is 62.2, 65.15
f3.14:Prov 8.22
g3.19:Prov 3.12; Heb 12.6

Revelation of John 3

Nnelekai ang gi di nohongo dabu i Sardis

“Hihia gi tangada di langi o di nohongo dabu i Sardis,

Aanei la go nnelekai tangada dela e daahi nia hagataalunga e hidu a God mo nia heduu e hidu. Au e iloo eau au mee ala e hai. Au e iloo bolo goe e dau bolo goe tangada e mouli, gei deeai, goe gu made!
Malaa, ala aga! Haga maaloo ina aga di mee i doo baahi i mua di maa ma ga made, ga hagalee. Idimaa, au e gidee bolo au mee ala ne hai, la digi humalia i mua nnadumada o dogu God. Langahia nia mee ne aago iei goe mo nia mee ne longono e-goe. Daudalia nia maa, huli gi daha mo oo huaidu. Maa goe ga hagalee e ala aga, gei au ga hanadu gi di goe, gadoo be tangada gaiaa, gei goe e de iloo di madagoaa e hanadu iei au. a  Gei hunu goodou digau dulii o Sardis gu benebene godou goloo gahu haga madammaa. Goodou ga ulu godou gahu kene, ga taele dalia au, idimaa, goodou gu tau bolo e taele madalia au. Digau ma ga aali, le e ulu nia gahu kene beenei, gei au hagalee daa nadau ingoo gi daha mo di beebaa hagamouli. Au ga haga modongoohia haga madammaa i mua dogu Damana mo ana gau di langi bolo digaula la nia daangada ni aagu. b 

“Maa goe oo dalinga i golo, hagalongo gi nnelekai di Hagataalunga ang gi nia nohongo dabu.

Nnelekai ang gi di nohongo dabu i Philadelphia

“Hihia gi tangada di langi o di nohongo dabu i Philadelphia,

Aanei la go nnelekai mai tangada dela e dabu gei e donu. Mee e daahi di gii a David. Maa mee ga huge di bontai, tangada e mee di tai di maa ai. Maa mee ga tai di maa, tangada e mee di huge di maa ai. c 
Au e iloo au mee ala e hai. Au e iloo bolo doo mogobuna le e dulii, gei goe gu daudali agu agoago, gei gu manawa dahi mai gi di au. Au gu huge di bontai i oo mua, dela e deemee di tai go tangada. Hagalongo! Di buini dangada a Satan go digau hai kai tilikai ala bolo ginaadou digau o Jew, gei hagalee digau o Jew. Au ga hai digaula gi lloomoi, e pala gi lala i mua oo babaawae, gei digaula huogodoo ga iloo bolo au e aloho i di goe. d  10 Idimaa goe gu haga gila agu agoago bolo gi manawa hagakono, gei au ga abaaba goe gi daha mo di madagoaa nia haingadaa e lloomoi gi henuailala belee hagamada nia daangada huogodoo i henuailala. 11 Hoohoo mai, gei au ga hanimoi. Benabena hagahumalia au mee i doo baahi, gi dee kae di hui doo aali go tangada. 12 Au ga hai ginaadou ala e maaloo gi hai nia duludulu o di Hale Daumaha o dogu God, gei ginaadou hagalee loo e hagatanga gi daha mo di Hale Daumaha ga hana hua beelaa. Au ga hihi gi nadau nua di ingoo o dogu God, mo di ingoo o di waahale o dogu God, go Jerusalem hoou, dela e haneia i di langi mai baahi o dogu God. Au ga hihi labelaa gi ono nua dogu ingoo hoou. e 

13 “Maa goe oo dalinga i golo, hagalongo gi nnelekai di Hagataalunga ang gi nia nohongo dabu.

Nnelekai ang gi Laodicea

14 “Hihia gi tangada di langi o di nohongo dabu i Laodicea, boloo:

Deenei la go telekai mai baahi o mee e haga ingoo bolo “Amen”, go tangada hagi aga mee manawa dahi gei e donu, dela go taamada o nia mee huogodoo a God ne hai. f 
15 Au e iloo au mee ne hai. Au e iloo bolo goe hagalee e mahana be e magalillili! Au bolo goe gi mahana be magalillili! 16 Gei goe dela hua e mahana dulii, hagalee mahana be e magalillili, au ga bui goe gi daha mo dogu ngudu! 17 Goe e helekai boloo, Au e maluagina, gei e humalia mai gi di au, hagalee di mee e hiihai ginai au i golo ai. Gei goe e de iloo bolo goe e huaidu huoloo adu gi di goe! Goe e hagaloale, oo goloo ai, gei e dee gida. 18 Au e helekai laa bolo goe gi huia au goolo i di au, nia goolo ala ne haga madammaa gi di ahi gi maluagina goe. Huia labelaa oo goloo kene e ulu ei goe dela oo goloo ai i doo gili, e haga langaadia dangada . Huia labelaa hunu wanii lolo, e wanga gi oo golomada gi gidee e-goe tangada. 19 Au e bule ge hagaduadua digau huogodoo ala e aloho iei au. Hagamahi gi huli gi daha mo oo hala. g  20 Hagalongo! Au e duu i di ngudu di bontai e dugidugi. Maa tangada ga longono ia dogu lee, ga huge di bontai, gei au ga ulu gi lodo dono hale, ga miami dalia a mee, gei mee ga miami dalia au. 21 Gei au ga wanga di tonu gi digau ala ma ga aali, gi noho i dogu baahi i hongo dogu lohongo king, gadoo be au dela ne aali, ga noho i baahi dogu Damana i hongo dono lohongo king. 22 “Maa goe oo dalinga i golo, hagalongo gi nnelekai di Hagataalunga ang gi nia nohongo dabu.”

Copyright information for `KPG