a5.1:Ezek 2.9-10; Is 29.11
b5.5:Gen 49.9; Is 11.1, 10
c5.6:Is 53.7; Zech 4.10
d5.8:Ps 141.2
e5.9:Ps 33.3, 98.1; Is 42.10
f5.10:Ex 19.6; Rev 1.6
g5.11:Dan 7.10

Revelation of John 5

Di beebaa wini mo Ta maa siibi

Au ga mmada gi di beebaa wini i lodo di lima gau donu o tangada dela e noho i hongo di lohongo king. Di beebaa wini deenei la gu buni di hihi ginai nia mee i nia baahi e lua, gei gu nnoo gi nia noo e hidu. a  Gei au ga mmada gi tangada di langi maaloo, e hai dana haga iloo gi nua, “Ma koai dela e tau anga bolo e wwede nia noo, ga huge di beebaa wini?” Deai tangada i di langi, be i henuailala, be i bahi i-lala henuailala, e mee di huge di beebaa wini, be e mmada gi lodo di maa. Gei au gu dangi huoloo giibeni, idimaa, tangada ne gida bolo e mee di huge di beebaa wini, be e mmada gi lodo ai. Tangada e dahi i digau mmaadua aamua, ga helekai mai, “Hudee dangi. Mmada! Di Laion mai di madawaawa o Judah, go di hagadili aamua o David, go mee gu maaloo, gei mee e mee di wwede nia noo e hidu, mo di huge di beebaa wini deelaa.” b  Gei au ga mmada gi Ta maa siibi, e duu i tungaalodo di lohongo king, e haganiga go nia manu mouli e haa, mo digau mmaadua aamua. Ta maa siibi le e hai be di mee gu daaligi gu made. Mee ono madaagoo e hidu, ge e hidu ono golomada, ala go nia hagataalunga e hidu a God ala ne hagau gi lodo henuailala hagatau. c  Ta maa siibi ga hana, ga kae di beebaa wini i di lima gau donu tangada dela e noho i hongo di lohongo king. Dono kae di beebaa deelaa, nia manu mouli e haa, mo digau mmaadua aamua e madalua maa haa ga pala gi lala i mua Ta maa siibi. Digaula huogodoo e dagidahi mee hai daahili-‘harp’ mono boolo goolo e honu i nia mee haga kala-‘incense’, ala go nia dalodalo o nia daangada a God. d  Digaula nogo hua di nadau daahili hoou,

“Goe e tau anga bolo e kae di beebaa wini, ga wwede onoo noo. Idimaa, goe dela gu daaligi, gu made, gei mai i oo dodo goe gu hui mai nnagadilinga daangada gi God, mai nia madawaawa, nia hagadilinga helekai, nnenua llauehe, mo nia hagadilinga daangada henua huogodoo. e 
10 Goe gu hai digaula gi hai tenua o di gau hai mee dabu e hai nnegau tadau God, gei digaula e dagi i henuailala.” f 
11 Au ga mmada labelaa, ga longono digau di langi, digau e dogologowaahee! Digaula e tuu e haganiga di lohongo king, nia manu mouli e haa, mo digau mmaadua aamua. g  12 Digaula e hua di nadau daahili boloo,

“Ta maa siibi ne daaligi gi made, le e tau anga bolo e wanga ginai di mogobuna, maluagina, iloo mee, mo nia mahi, aamua, madamada mo di hagaamu!”
13 Gei au ga longono eau nia mee huogodoo i di langi, henuailala, bahi i-lala henuailala, mo i lodo di moana, ala go nia mee mouli huogodoo i henuailala mo lala di langi. Digaula e dadaahili boloo,
“Di hagaamu, di hagalaamua, di madamada, mo di maaloo gi wanga ina gi mee dela e noho i hongo di lohongo king mo ang gi Ta maa siibi, ga hana hua beelaa!”
14 Nia manu mouli e haa ga helekai, “Amen!” Gei digau mmaadua aamua ga pala gi lala, ga daumaha.

Copyright information for `KPG