a4.3:Gen 15.6; Gal 3.6
b4.7-8:Ps 32.1-2
c4.11:Gen 17.10
d4.13:Gen 17.4-6, 22.17-18; Gal 3.29
e4.14:Gal 3.18
f4.16:Gal 3.7
g4.18:Gen 15.5
h4.19:Gen 17.17
i4.25:Is 53.4-5

Romans 4

Di hagatau gi Abraham

Gei gidaadou ga helekai bolo aha i Abraham, tamana o tadau hagadili? Ma di aha ne iloo a mee? Ma mee ne donu i baahi o God i ana mee ne hai, gei mee gu hagaamu eia i ana mee ne hai, malaa hagalee i mua o God. Di Beebaa Dabu e helekai:

“Abraham ne hagadonu a God, gei God gu dugu a mee, bolo mee e donu i dono baahi mai i di hagadonu o maa.” a 
Tangada ngalua e kae dono hui, gei di hui o maa la hagalee di wanga dehuia, di hui ne ngalua ginai. Tangada dela hagalee hagadagadagagee gi dono ngalua, gei e hagadagadagagee hua gi dono hagadonu a God dela e haga donu nia daangada ala gu hai hala, deenei tangada dela ga hila ginai a God, ga donu i dono baahi. Aanei nia haga modongoohia nnelekai a David ne helekai i di tentene o tangada a God ga benebene gi donu i dono baahi, i daha mo dono ngalua:

“E maluagina go digau ala gu kae tumaalia o nadau ihala i baahi o God, go digau ala gu maaehede nadau huaidu! b 
E maluagina go tangada dela hagalee daahi ono hala go Dimaadua!” Malaa, di tentene deenei dela e helekai ai David, la anga hua gi digau ala gu sirkumsais? Deeai, anga labelaa gi digau digi sirkumsais. Idimaa, gimaadou gu dau nia helekai di Beebaa Dabu e helekai: “Abraham ne hagadonu a God, gei God gu hai a mee gi donu i dono baahi, mai dono hagadonu.” 10 Ana hee ne hai ai di mee deenei? I mua Abraham ne sirkumsais, be i muli? I mua, hagalee i muli! 11 Mee ne sirkumsais nomuli, gei dono sirkumsais ne hai dahi ada haga modongoohia bolo idimaa go dono hagadonu God gu hai a mee gi donu, i mua dono kae di sirkumsais. Deelaa laa, Abraham gu hai tamana hagataalunga ni digau huogodoo ala e hagadonu a God, mo digau ala gu hai go mee gi donu, maeaha maa digaula digi sirkumsais. c  12 Gei mee gu hai tamana ni digau ala gu sirkumsais, ana dama gu mouli i di mouli hagadonu dela nogo mouli ai tadau damana Abraham i mua dono sirkumsais.

Nia daangada e kae di hagababa a God mai i nadau hagadonu

13 God ne hagababa gi Abraham mo dono hagadili ga hai mee digaula gi henuailala. Dana hagababa ne hai idimaa Abraham dela ne hagadonu, gu donu i baahi o God. Mee hagalee ne haga gila dana hagababa idimaa Abraham ne haga gila nnaganoho. d  14 Maa di hagababa a God la anga hua gi digau ala e haga gila aga nnaganoho, malaa di hagadonu o tangada la dono hadinga ai, gei di hagababa a God le e balumee hua. e  15 Nnaganoho e gaamai di hagawelewele o God, gei di gowaa ono haganoho ai, de hagalongo gi nnaganoho le hagalee. 16 Di hagababa ne hagamau mai di hagadonu, belee hai gi i-golo di hagababa wanga dehuia a God hagadagadagagee gi nia hagadili huogodoo o Abraham, hagalee anga hua gi digau ala e haga gila aga nnaganoho, ge anga labelaa gi digau ala e hagadonu be Abraham. Idimaa, Abraham la tamana hagataalunga ni gidaadou huogodoo. f  17 Di Beebaa Dabu gu helekai: “Au ne dugu goe e hai tamana o nia henua e logo.”

Malaa, di hagababa le humalia i mua o God dela e hagadonu go Abraham, di God e haga mouli digau mmade, e helekai hua gei nia mee ala nogo hagalee ga i-golo.
18 Abraham tangada hagadonu gei dono hagadagadagagee i golo, maeaha maa deai tadinga bolo mee gi hagadagadagagee, gei mee gu hai tamana o nia henua e logo. Di Beebaa Dabu e helekai:

“Doo hagadili ga dogologowaahee be nia heduu.” g 
19 Mee gu hoohoo ga lau ono ngadau, gei di hagadonu o maa e maaloo huaigolo i lodo dono hagamamaanadu i dono huaidina dela gu bagege, mo di hagamamaanadu Sarah dela hagalee hua. h  20 Di hagadonu o maa digi diagia a mee, gei mee digi manawa lua gi di hagababa a God. Di hagadonu o maa e haga honu a mee gi mahi, gei mee e haga hagaamu a God. 21 Gei mee e donu ang gi deia bolo God e hai loo gi haga gila aga dana hagababa dela ne hai. 22 Deelaa di mee a God ne helekai ai bolo Abraham ne donu mai i dono hagadonu. 23 Telekai bolo mee gu hai tangada e donu, la hagalee ne hihi hua ang gi mee modogoia, 24 ne hihi labelaa mai gi gidaadou ala ga donu, ala e hagadonu a mee dela ne haga mouli aga a Jesus tadau Dagi mai i dono made. 25 God gu dugu ang gi Jesus gi made mai i tadau huaidu, ga lawa ga haga mouli aga a mee belee hai gidaadou gi donu i dono baahi. i 

Copyright information for `KPG