Ezekiel 15

Ierusalem i da ra davai na vain vakuku

Ma ra tinata kai ra Luluai i ga tadav iau, ma i biti: Natu i ra tutana, a davai na vain i boina dave ta ra lavur mangana davai ara ra lokor? Di pait laka ta magit me? Di mut laka ta vavavakaitai tana pi da vakaite ta la tana? Io, di vue tarie ta ra iap upi da vaulung ra iap me; ra iap i en ra ura nguna tana, ma namur ra livuana i birao; dave, i topa laka ta magit? Ba i ga boina boko, pa i ga topa ta magit; ma na topa mule ra ava ba ra iap i tar rang ia? Damana ra Luluai God i biti dari: Da ta ra lavur mangana davai ta ra lokor di vue ra davai na vain ta ra iap upi da vaulung ra iap me, damana ina vue ra tarai Ierusalem. Ina tur bat diat ma ra matagu; ba dia lop kan ra iap, ra iap na vaimur vue diat; ma avat a nunure ba iau ra Luluai, ba iau tur bat diat ma ra matagu. Ma ina kamare vue kadia gunan ure kadia varpiam tadav iau, a Luluai God i biti.

Copyright information for `KSD