Job 17

A tulungeagu i bilua, ma i tar ot kaugu umana bung,
A babang na minat i ki pa iau.
A umana tena varkulumai dia ki piragu,
Ma kadia lavur varvul i ki ta ra luaina matagu.
Una tul tar ta vakilang tagu ba u iat una ki maravut iau;
Tago to ia bula na pait ra vavalima ure iau?
Tago u ga ive ra minatoto kan ra bala i diat,
Damana pa una vangala diat.
Nina i varvai takun ra umana talaina upi kadia tabarikik,
A mata i ra umana natuna na bilua.
I ga vaki iau da ra tinata na varvakok ta ra gunagunan,
Da tikai di nami ra matana.
A kiau na matagu i gavul ta ra tinangi,
Ma ra umana rakagu dia da ra malur.
A umana tena takodo diat a kaian ure go,
Ma nina i ko na tut ure ra umana tena varpiam.
Ia kaka ra tena takodo pa na talanguan,
Ma nina i gomgom ra limana na dekdek vanavana.
10 Ma amutal, amutal par, amutal a mai,
Ma pa ina tadav ta tena kabinana livuan ta mumutal.

11 Kaugu umana bung dia tar par, ma kaugu lavur ninunuk dia takunu,
Ra lavur magit ra balagu i anan upi ia.
12 Dia pukue ra marum upi ra bung na keake;
Dia biti: A kapa i maravai ka ta ra bobotoi.
13 Gala ina nuk ia ba ina kuba ta ra ruarua na tulungen,
Ma gala ina pale kaugu vava ta ra bobotoi,
14 Gala ina biti ta ra tung na minat: U tamagu,
Ma ta ra kalolo: U nagu ma taigu,
15 Akave vang kaugu ninunuk ung?
Ma to ia bar na gire?
Na vana ba ta ra ruarua na tulungen,
Ba amir a vana varurung ta ra tobon.
16 

Copyright information for `KSD