Job 23

Iob i anan upi na vadovot pa ra maukuana ta ra luaina mata i God

Ma Iob i ga tata ma i ga biti:

Kaugu tinata na urur i mamat boko go,
Ra mamat na limana i ki taun iau, ma iau riri tana.
Ea, gala iau ti nunure ra pakana i ki tana,
Upi ina tadav kana kiki iat!
Ina vaarike kaugu kini pirana,
Ma ra ngiegu na buka ma ra tinata ure.
Ina kapa ure kana balbali piragu,
Ma ina matoto ta kana tinata.
Dave, na barat iau laka ma kana dekdek?
Pata; na valongore ke iau.
Abara na topa ra tena takodo pi na vartoto me,
Ma kaugu tena varkurai na pala vakakit vue iau.
la kaka, iau vana aro na lua, ma pa i ki abara;
Iau vana aro namur, ma pa iau gire tadav ia;
Iau mama tikan upi ia ta.ra papar a maira,
Ma ba iau tur tapuku tadav ra papar a lima tuna, pa iau na tadav ia.
10 Ma ia iat i kapa ure kaugu nga,
Ma ba na ga valar ot pa iau, ina vana rikai da ra goled.
11 A kaugu i tar vanavana ta kana nga;
Iau ga mur kana mangamangana, ma pa iau ga vana irai.
12 Iau ga mur vatikene kana lavur vartuluai;
Ma kana lavur tinata dia ga ngatngat piragu ta dir ma ra agu nian.

13 Ia kaka, to ia bar na vaenana pa ra nuknukina?
I pait ot pa nam ba i mainge ba na pait ia.
14 Nam ra magit di ga tibe value ure iau, ia iat i pait ia;
Ma mangoro na magit damana dia ki pirana.
15 Damana i purpuruan ra balagu ta ra luaina matana;
Ma ba iau nuknuk ure, iau ti burut i tana.
16 Tago God i ga vabilua ra nuknukigu,
Ma ra Dekdek Muka i ga vapurpuruan iau;
Tago di vapurpuruan iau ma ra bobotoi,
Ma ra bingnimuna i tuba ra matagu.
17 

Copyright information for `KSD