Job 36

Eliu i pite pa God tago i lia

Ma Eliu i ga biti bula:

Una nur vue ke boko iau, ma ina vateten u,
Tago kaugu ta tinata boko ba ina maravut God me.
Ina kap pa kaugu kabinana maro vailik,
Ma ina vatang tar ra mangamangana takodo pire kaugu Tena Vavaki.
A dovotina kaugu lavur tinata dia dovot;
Ma ta tikai nina i ot muka kana minatoto i ki piram.
Ea, God i dekdek muka, ma pa i nuk vaikilik pa ta tikai;
I lia ta ra dekdek ma ra minatoto.
Pa i balaure vake ra umana tena varpiam,
Ma i maravut uka diat di vakaina diat.
I mataure ra umana tena takodo vatikai,
I vangala diat, ma i tul tar diat upi diat a ki varurung ma ra umana king ta ra kiki na king.
Ba dia ki kaina,
Ma ra kini na malari i vi diat,
I vaarike kadia papalum pire diat,
Ma kadia lavur varpiam, ba dia pait ia ma ra kolakolo na ninunuk.
10 I papa ra talinga i diat upi ra vartovo,
Ma i kure ba diat a nukpuku vue ra varpiam.
11 Gala dia valongore ma dia torom tana,
Diat a ki bulu ta kadia umana bungbung na nilaun,
Ma diat a ga ta kadia umana kilala par.
12 Gala pata, diat a virua ta ra pakat na vinarubu,
Ma diat a mat ba pa i kapa ra nuknuk i diat.
13 Diat nina God pa i bang ta ra bala i diat dia kankan vatikai,
Ma pa dia kail upi ra maramaravut ba i vi vake diat.
14 Dia mat ba dia barmana ka boko,
Ma kadia nilaun i panie da ra bilak na tarai.
15 God i valaun diat dia kankadik ma ra kinadik iat,
Ma i papa ra talinga i diat ma ra kini na malari.
16 I ga ben vaire u kan ra varmonong
Tadav ra pakana i langalanga;
Ma di ga vung ra bo na nian ta kaum vatar.
17 Ma u vatur vake muka ra vapuak ure ra tena varpiam;
A balbali ma ra varkurai dir vatur vake u.
18 Koko una varkulumai tago i pit u;
Ma koko una vana irai tago i mamat kaum varkul.
19 Dave, kaum tabarikik na valaun u, upi koko una kairane ra varmonong.
Ba ra dekdek i kaum kini na luluai?
20 Koko una anan upi ra marum,
Ba di vamutue ra tarai ta kadia pakana.
21 Una balaure, koko una nuknuk ure ra magit i kaina,
Tago u ga pilak pa go ta dir ma ra kinadik.

22 Ea, God i dekdek vurakit;
Akave ta tena vartovo nina dir varogop me?
23 To ia i kure kana nga?
Ba to ia na biti tana: U ga pait ra nirara?
24 Una nuk vake go, ba una pite pa kana papalum,
Nina ra tarai dia tar kakailai ure.
25 A tarai par dia tar bobe;
Dia gire maro vailik ika.
26 Ea, God i ngala vurakit, ma pa da matoto ure;
I dekdek ba da luk kana umana kilala.
27 I puak vatutua ra polo na ta,
I vaenana pa kana vual upi na tua
28 Ma i lolonge ra bata kan ra bakut,
Upi na burabura taun ra tarai.
29 To ia i nunure ba ra lavur gobol a bakut dia va vurvurbit dave,
Ma ra lavur pangpagur ai ra kubana dia vana rikai dave?
30 Ea, i vaki ra kapa kikil ia,
Ma i tuba ra vunapai ra ta.
31 I ki na varkurai ure ra tarai tana;
Ma i tabatabar bulu diat ma ra nian.
32 I ive ra meme ta ra limana,
Ma i kure pi na ubu ra magit nina i ga vakilang ia.
Ra pangpagur i varvai ure,
Nina i karangap kana kankan ure ra varpiam.
33 

Copyright information for `KSD