Job 7

Iob i tata bat God

A kini kai ra tutana ati ra pia pa i mamat vang?
Ma kana nilaun pa dir vardada vang ma ra tena papalum di kul ia?
Da ra vilavilau i ki pa ra malur ta ra keake ravian,
Da ra tena papalum di kul ia i anan upi kana vapuak,
Damana di kure ba ina laun vue ra umana gaigai nina pa ta magit ta diat,
Ma di tibe tar ra umana bungbung na marum ba ina ki na malari ta diat.
Ba iau va iau biti: Vingaia ga vang na malana ma ina tut?
Ma iau pupupukuai vurvurbit tuk tar ta ra buabuarana.
I palapala korong ra pal a pakagu, ma i kariuriu bula,
A palina ta ra pakagu i pok ma i tavavar.
Kaugu lavur bungbung dia vana lulut ta dir ma ra rarau na kuara ta ra lima i ra tena virvir mal,
Dia panie vakuku.
Ea, una nuk pa ia ba kaugu nilaun i da ra vuvu ka,
A matagu pa na gire mule ra boina.
Nina i gire iau gori pa na gire mule iau,
Ina panie kan ra luaina matam.
Da ra bakut i tapre ma i panie,
Damana bula nina i kuba ta ra ruarua na tulungen pa na tutua rikai mulai.
10 Pa na lilikun mulai ra kubana,
Ma kana gunan pa na nuk pa mule.
11 Damana pa ina ki mut mulai;
Ina tatata ka tago i takunuan ra balagu,
Ma ra tulungeagu i ti ki na malari.

12 Dave, iau ra ta laka, ba ra varkarat na leing mara na ta,
Upi una mono bat iau?
13 Ba iau nuk ia ba kaugu vava na vamaram iau,
Ma kaugu molamolo na vango ra nuknukigu,
14 U vaburut iau ma ra umana ririvon,
U vadadar iau ma ra umana ninana,
15 Tuk tar ra tulungeagu i anan pi da kun doko iau,
Ma i mainge ra minat ma vakir ra kinadik.
16 Iau milikuane kaugu kini; ma pa iau mainge ba ina laun vatvatikai;
Una nur vue iau, tago kaugu umana bung dia da ra vuvu.
17 Ava bar ra bilua na tutana, upi una vangala pa ia,
Ma upi ra balam na kiki vavakai tana?
18 Ta ra bungbung na malana u lalaume,
Ma ta ra umana pakapakana bung u valavalar ia.
19 Aivia ra bung boko pa una lingan irai kan iau,
Ma pa una nur vue ke iau pi ina konom ra gor na ngiegu?
20 Ona iau pait ra kaina mangamangana, iau pait ra ava laka piram, u ra monamono ure ra tarai par?
Ta ra ava u ga vaki iau upi kaum vakilang iat,
Upi ari kari ina puak pa kaugu kinakap iat?
Ta ra ava pa u pun vue kaugu varpiam,
Ma ta ra ava pa u tak vue kaugu kaina mangamangana?
Pa na vavuan ma ina va ta ra tobon na pia,
Ma ba una tikan milat upi iau, pa ina ki mulai.
21 

Copyright information for `KSD