Lamentations 2

A umana mangana niligur kai ra tarai Sion dia vana rikai tai ra Luluai

Ua, ra Luluai i tar turup natu i Sion ma ra bakut i ta ta kana kankan!
I tar rapue ra minamar i Israel marama ra bala na bakut ura ra pia,
Ma pa i ga nuk pa ra ruarua na kauna ta ra bung i kankan tana.
Ra Luluai i tar konom vue ra lavur kuba i Iakob par, ma pa i ga varmari;
Ta kana kulot i tar rapue ra umana dekdek na pia na pal kai natu i Iuda;
I tar vue tar diat ra pia iat; i tar vakaina ra kiki na varkurai ma ra umana luluai tana.
Ta kana nginangal na kulot i tar kutu vue ra ram u Israel par;
I tar tak vue ra limana tuna ta ra luaina mata i ra ebar;
Ma i tar vaimur Iakob da ra biro na iap nina i vaimur ra magit kikil ia.
I tar lale kana panak da ra ebar, i tar tur ta ra papar a lima tuna da ra tena tur varbat,
Ma i tar ubu doko diat par dia vakak ta ra mata i diat ta ra kuba i natu i Sion.
I tar lolonge kana karangap na kankan da ra iap.
A Luluai i tar varogop ma ra ebar, i tar vamutue Israel;
I tar vamutue kana lavur pal na luluai; i tar nila vue kana lavur dekdek na pia na pal;
Ma i tar vangala ra tabunuk ma ra tinangi ta ra natu i Iuda.
I tar re vakaina vue ra kubana da ra pal na uma, ma i tar li vue kana pal na kivung;
A Luluai i tar kure ba da valubane ra ngala na kivung ma ra Bung Sabat ta ra gunan Sion.
Ma ta kana ngala na kulot i tar pidimuane ra king ma ra tena tinabar.
A Luluai i tar vung vue kana uguugu na vartabar, i tar milikuane kana pal i gomgom,
I tar nur tar ra umana kakamir ta kana lavur pal na luluai ta ra lima i ra ebar;
Dia tar urung ta ra kuba i ra Luluai da ta ra bung i ra ngala na kivung.
A Luluai i tar kure ba na re vue ra liplip kikil natu i Sion;
I tar vung tar ra vinau na valavalar, pa i tak vue ra limana kan ra nila;
I tar vabilua ra bobokon ma ra liplip; dir par dir tarip.
Kana umana banbanu dia tar tapunang ra pia; i tar re vue kana lavur kinalat, ma i tar bubur diat;
Kana king ma kana umana luluai dia ki livuan ta ra umana Tematana; pa ta vartovo na varkurai mulai;
Kana umana propet bula pa dia vatur vake ta ninana tai ra Luluai.
10 A umana patuana kai natu i Sion dia ki ra pia ka, dia ki mut uka;
Dia tar imire ra tobon ta ra ulu i diat, dia vi pit ma ra mal na tabun;
A umana inip na vavina Ierusalem dia ula tadoko.
11 A matagu i tar gavul ma ra tinangi, a balagu i purpuruan;
A katigu i tar bura ra pia ure ra vinirua i tadav kaugu tarai;
Tago ra umana bul ikilik ma ra umana kuramana dia matmat ika ta ra lavur nga na pia na pal.
12 Dia tir ra umana na i diat dari: Akave ta kon ma ta vain?
Ba i talili ra mata i diat da ra mata i ra tarai dia kinkin ta ra lavur nga na pia na pal,
Ba dia vung vue ra tulungea i diat ta ra bongbongo i ra umana na i diat.
13 Ava ra magit ina ve tar ia tam? Ava ra magit ina valarue amur me, u natu i
Ierusalem?
Ava ra magit ina valar tar ia tam upi ina vamaram u me, natu i Sion, a inip na vavina?
Tago kaum kinkin i ngala da ra ta; to ia na valagar u?
14 Kaum umana propet dia tar gire ra umana ninana ure u, a umana ninana vakuku ma ra umana ninana na papaua;
Ma pa dia vaarike kaum varpiam upi da vatalil u kan ra kini na vilavilau;
Dia gire ke ra magit vakuku ure u, ma ra magit i vuna ta kaum kini na vilavilau.
15 Diat par dia vana pakit dia papar tam;
Dia ititinga, ma dia loe ra ulu i diat ta ra natu i Ierusalem, ma dia biti dari:
Dave, go di vatang ia vang ba, Ra minamar kakit, Ra pia na pal ba ra rakarakan a gunagunan i gugu tana?
16 Kaum lavur ebar par dia panganga ure u;
Dia ititinga, ma dia vangvangia ra pal a ngie i diat; dia biti dari: Ave tar konom vapar ia;
A dovotina ave ga nuk upi go ra bung; ave tar laun tadav ia, ave tar gire.

17 A Luluai i tar pait ra magit i ga nuk upi ia; i tar pait ot pa kana tinata;
Da i ga vartuluai amana tana, i tar rapue ma pa i ga varmari;
Ma i tar tul tar ra ebar upi na gugu ma u, i tar vangala ra ram u diat ava vargegelenai ma diat.
18 A bala i diat i ga tangi tadav ra Luluai;
U a liplip kikil natu i Sion, boina ba ra lur na matam na varababakai ra keake ma ra marum da ra tava alir;
Koko una talanguan; koko ra kiau na matam na ngo.

19 Una tut, una kukula ra marum ta ra lavur varkia na monamono;
Una lolonge vaarike ra nuknukim da ra tava ta ra luaina mata i ra Luluai.
Una tulue ra limam tadav ia upi na valaun kaum umana bul ikilik,
Nina dia matmat ta ra lavur ngu na nga par.

20 Ea Luluai, una gire; ia nam u ga pait ra dari pirana?
Dave, ra vaden diat a en ra vuai ra paka i diat, ra umana bul ba dia tal diat?
Dave, da ubu doko ra tena tinabar ma ra propet ta ra pal i gomgom kai ra Luluai?
21 A barmana ma ra kua dir va ra pia ta ra umana nga;
Kaugu umana inip na vavina ma kaugu umana barmana dia tar virua ta ra pakat na vinarubu;
U ga ubu diat ta ra bung u kulot i tana; u ga vardodoko, ma vakir u ga varmari.
Da ta ra bung i ra ngala na kivung, u ga oro upi ra lavur magit iau dadadar tana ta ra lavur papar.
Ma pa ta na i ga pila, ma pa ta na i ki valili ta ra bung ra Luluai i kulot i tana;
Diat iau ga rite diat, ma iau ga vangala diat, kaugu ebar i tar vapanie diat.
22 

Copyright information for `KSD