Mark 3

Ra tutana i li ra limana

(Mat 12:9-14; Luk 6:6-11)

Ma i ruk mulai na pal na lotu ma tika na tutana tana i li ra limana. Ma dia kiki ue ba na valagar pa ia ta ra Bung Sabat, ba pata, upi diat a takun ia me. Ma i tatike tai ra tutana i li ra limana: Una tur rikai. Ma i tir diat: I takodo ta ra Bung Sabat, ba da pait ra boina, ba da pait ra kaina, upi da valavalaun ba upi da vardodoko? Ma dia ki mut uka. I bobabobo vurvurbit ma ra kankan ure diat; ma i tabun ra balana ure diat, tago i leo ra bala i diat, ma i tatike tai ra tutana: Una tulue ra limam; ma i tulue, ma ra limana i ung mulai. A umana Parisaio dia irop, ma dia varpit vuavuai ma ra umana talai Erodes ure, upi da doko davatane.

Ra kor maravai ra tava kikil

Iesu diat ma kana tarai na vartovo dia irop mulai ura ra valian, ma ra ngala na kor marama Galilaia dia mur ia; ma mara Iudaia ma Ierusalem, ma Idumaia ma ra papar Iordan maro iat, ma marama Tiro ma Sidon bula, a ngala na kor diat, ba dia valongore ra lavur ngala na magit i tar pait ia, dia pot tadav ia. Ma i ve kana tarai na vartovo ba ra mon ik na boko pa ia, tago ra kor, kan diat a kor bat ia; 10 tago i tar valagar pa ra mangoro, ma diat par dia kaina ma ra minait dia kor tadav ia upi diat a bili ia. 11 Ba ra lavur dur na tabaran dia gire, dia bura timtibum ta ra luaina matana, ma dia oraoro dari: U Natu i God. 12 Ma i manga pit diat ba koko diat a ve tar ia.

Iesu i pilak pa ra vinun ma a ivu apostolo

(Mat 10:1-4; Luk 6:12-16)

13 Ma i tutua urama ra luana, ma i oro pilak pa diat nam i mainge diat, ma dia tadav ia. 14 Ma i tibe ra vinun ma a ivut, upi diat a varagur me ma upi na tulue diat upi diat a varvai, 15 ma upi diat a kure ra umana tabaran, diat a okole vue diat. 16 Tai Simon i tar ra iangina bula ba Petero; 17 tai Iakobo natu i Sebedaio, ma tai Ioanes bula, dir turana, i tar mule ra iang i dir ba Boanerges, a kukuraina ba ra ura natu i ra pangpagur; 18 Andreas, ma Pilipo, ma Batolomaio, ma Mataio, ma Tomas, ma Iakobo, natu i Alpaio, ma Tadaio, ma Simon a Lup Vararak, 19 ma Iudas Iskariot nina ba na vagu tar ia.

Iesu dir ma Beelsebul

(Mat 12:22-32; Luk 11:14-23;12:10)

Ma i ruk na pal.
20 Ma ra ngala na tarai dia kor varurue mulai muka, ma i dekdek upi diat a ian. 21 Ba ra umana talaina dia valongore, dia vana rikai upi diat a kinim ia, tago dia biti dari: I tar lunga. 22 A umana tena tutumu dia pot marama Ierusalem, dia biti dari: Dir ma Beelsebul,
Beelsebul, a kukuraina “A Luluai na ul a buta”; a Iudaia di ga vaiang Satan me.
ma i okole vue ra umana tabaran tai ra luluai kai ra lavur tabaran.
23 Ma i oro pa diat tadav ia, ma i tatike ra umana tinata valavalar dari: Satan na okole davatane vue Satan? 24 Ba tika na vuna gunan i varubu mulai ka me, nam ra vuna gunan na tur dave? 25 Ma ra pal ba di varubu ma diat mulai ka tana, nam ra pal pa na tur vatikai. 26 Ba Satan i tut na vinarubu ure mule ke ma i ubu mule ke, pa na tur vatikai, na ti mutu. 27 Ma pa ta na ruk ra kuba i ra tena ongor ma na vakaina kana lavur magit; ia kaka na vi value ra tena ongor ma namur na vakaina ra kubana. 28 A dovot go iau tatike ta vavat: Da re vue ra lavur varpiam mutu kai ra lavur natu i ra tarai, ma kadia lavur varvul bula, dia ga varvul me; 29 ia kaka ba tikai na vul ra Takodo na Tulungen, nam pa da re vue muka, i kaina ka, ma ra varpiam i tur tukum; 30 tago dia ga tatike ba ra tabaran i ki tana.

Na i Iesu ma ra umana turana

(Mat 12:46-50; Luk 8:19-21)

31 Ma nana ma ra umana turana dia pot, ma dia turtur ra pia ma dia vartuluai upi ia. 32 Ma ra kor na tarai dia ki kikil ia, ma dia biti tana dari: Tinam ma ra umana turam abara ra pia dia nuk up u. 33 I tir diat: Ia tinagu ma to ia ra umana turagu? 34 Ma i bobobe diat par dia ki kikil ia, ma i biti. dari: Go tinagu ma ra umana turagu. 35 Tago nina i murmur ra nuknuk i God nam turagu, ma taigu, ma tinagu.

Copyright information for `KSD