Proverbs 13

A bul ba i kabinana i kapupi ra varvateten kai tamana,
Ma ga ra tena varkulumai pa i nuk pa ra varpit.
A tutana na en ra boina ure ra vuai ra ngiene,
Ma ra tena vavagu i mainge ke ra vakavakaina.
Nina i mono bat ra ngiene i vatur vake kana nilaun,
Ma ga nina i manga tak ra ngiene na virua.
A bala i ra tabauma i mamainga, ma pa i vatur vake ta magit,
Ma ra bala i ra umana tena ongor na ti maur boko.
A takodo na tutana i milikuane ra vaongo,
Ma ga ra kaina tutana i milmilikuan ma i vuna ta ra vavirvir.
A mangamangana takodo i mono bat nina ba i dovot kana mangamangana,
Ma ra bilak na mangamangana i vue pukue vue ra tena varpiam.
Tikai i malamala uviana ma pa i vung ta magit;
Ta ra tikai i malamala luveana ma i vung ra peal magit.
A tutana i varkul ure kana nilaun ma kana ngala na tabarikik,
Ma ra luveana pa da vaununge.
A kapa kai ra umana tena takodo i manga birao,
Ma ra lamp kai ra umana tena varpiam da pun ia.
10 A papait na luluai i vuna ta ra varngangar,
Ma ra kabinana i ki pire diat dia matoto.
11 A tabarikik ba di lu varurue ma ra mangamangana vakuku na panie mulai,
Ma ra magit di vatur vake ure ra papalum na ngala vanavana.
12 A bala i diat dia vala ki ung upi ta magit i papait na tabulbulu,
Ma ba da vatur vake kada mamainga i da ra davai na nilaun.
13 Nina i pidimuane ra tinata i vakaina mule,
Ma ga nina ba i ru ra vartuluai na vatur vake ra vapuak.
14 A vartovo kai ra umana tena kabinana i da ra mata na nilaun,
Upi da laun kan ra lavur palai na minat.
15 Da manamanane ra bo na minatoto,
Ma ga ra nga kai ra umana tena vavagu i dekdek ika.
16 A tarai par ba dia matoto dia papalum ma ra kabinana,
Ma ga ra lunga i vaarike vurvurbingitane ra magit na papaua.
17 A kaina vilavilau i bura ta ra kaina,
Ma ga ra dovot na tultul i valavalaun.
18 A kini na luveana ma ra vavirvir dir a tadav nina ba na piam vue ra varvarteten,
Ma ga nina ba na nuk pa ra varpit da ru ia boko.
19 Ba da pait ot pa kada mamainga i kalakalami ta ra bala i dat,
Ma i da ra magit na milmilikuan pire ra umana lunga ba diat a vung vue ra varpiam.
20 Una varait ma ra umana tena kabinana, ma una kabinana bula;
Ma nina dia talaina ma ra umana lunga na kadik.
21 A vinirua i korot mur pa ra umana tena varpiam,
Ma da vabongon ra umana tena takodo ma ra boina.
22 A bo na tutana i vakale ra umana bul mur tana ma kana tabarikik,
Ma ra vurvur magit kai ra tena varpiam di vung vake ure ra tena takodo.
23 A ngala na magit na nian ta ra uma kai ra umana luveana,
Ma i kaina ka ure ra mangamangana ba pa i takodo.
24 Nina ba pa i vaminana natuna ma ra virit i milikuane,
Ma ga nina ba i mari ia i vala vapagumanena.
A tena takodo i iaian ma i maur tana,
Ma ga ra bala i ra tena varpiam na ti mulmulum.
25 

Copyright information for `KSD