Proverbs 21

A nuknuk i ra king i da ra tava alir ta ra lima i ra Luluai;
I kure pukue kana vinavana da i mainge.
A mangamangana par kai ra tarai i takodo ta ra luaina mata i diat iat,
Ma ga ra Luluai i valar ra nuknuk i diat.
Ba di pait ra mangamangana takodo ma ra takodo na varkurai,
A Luluai i manga mainge nam ta dir ma ra tinabar.
A malamala luluai ma ra kolakolo na ninunuk,
A lamp kai ra tena varpiam, a kaina magit nam.
A nuknuk i ra tena ongor i tur upi ra peal magit ika,
Ma diat par ba dia ngarangara, dia ngarangara ka upi ra niiba.
Ba da ongor upi ra tabarikik ma ra tinata vavaongo,
I da ra niongor upi ra vual i panie, ma i da ra palai na minat.
A vinarubu kai ra umana tena varpiam na pakate vue diat,
Tago dia ole vue ra mangamangana takodo.
Ba tikai i puak pa ra mamat na kaina mangamangana, i gegagege tuna kana nga;
Ma nina i gomgom, i takodo kana papalum.
I manga boina ba da kiki ta ra ul a pal ika,
Ma pa i boina ba da kiki varurung ma ra vavina, a tena varngangar, ta ra ngala na pal.
10 A bala i ra tena varpiam i bala upi ra varpiam,
Ma pa i mari talaina.
11 Ba di kure ra tena varkulumai, ra tutana i tuptup na kabinana tana;
Me ba di vateten ra tena kabinana, i vatur vake ra minatoto tana.
12 A tena takodo i nuk pa ra kuba i ra tena varpiam;
Tago di vue pukue vue ra umana tena varpiam, ma dia virua.
13 Nina i ang bat ra talingana ba ra luveana i kakail,
Na kakail bula boko ma pa da valongore.
14 A vartabar ivai i pun vue ra kankan,
Ma ra kul varbat ba tikai i ive ta ra bongobongono i vango ra ngala na kulot.
15 A magit na gugu pire ra tena takodo upi na pait ra takodo na varkurai,
Ma ra vinirua na tadav ra tena pait ra kaina.
16 Ba tikai i rara kan ra nga na minatoto,
Na ki ka muka ta ra kivung kadiat dia ga mat.
17 Nina ba a tena nilibur na ki na luveana boko;
Ma ra lup mome vain ma ra lup vartap pa na uviana.
18 Da varkul ma ra tena varpiam ure ra tena takodo,
Ma ra tena vavagu na kia vue ra dovot na tutana.
19 A kini ta ra bil i boina,
Ma pa i boina tuna ra kini varurung ma ra vavina, a tena varngangar ma ra tena varvakankan.
20 A ngatngat na tabarikik ma ra dangi dir ki ta ra kuba i ra tena kabinana,
Ma ra lunga i vole dir par.
21 Nina i mur ra mangamangana takodo ma ra varmari,
Na tikan tadav ra nilaun ma ra variru.
22 A tena kabinana i ko rikai ta ra pia na pal kai ra umana lebe,
Ma i vue pukue vue ra dekdekina nina di nurnur tana.
23 Nina i tur bat ra ngiene ma ra karameana,
I balaure bat kana nilaun kan ra kini na malari.
24 Nina ba i kolakolo ra nuknukina ma i malamala luluai, di vatang ia ba ra tena varkulumai,
I papalum ma ra ngala na nuknukina ure mule, ma pa i ruva.
25 A tabauma i mat ma ra mamainga upi ta magit.
Tago ra limana i ole ra papalum.
26 Tikai go i manga puruai ra balana upi ra magit a bungbung parika,
Ma ra tena takodo i varvartabar ma pa i muie.
27 A tinabar kai ra tena varpiam a magit na milmilikuan;
Maia pa, a magit na milmilikuan tuna ba i tul tar ia ma ra bilak na nuknukina.
28 A tena varvai vavaongo na virua ka,
Ma ga ra tinata kai nina i valavalongor na tur tukum.
29 A kaina tutana i vadekdek bat ra matana,
Ma ra dovot na tutana i kure mal kana vinavana.
30 Pa ta kabinana, ma pa ta minatoto,
Ma pa ta varkurai na tur bat ra Luluai.
Di vaninare ra os ure ra bung na vinarubu,
Ma ra niuvia iat i vuna tai ra Luluai.
31 

Copyright information for `KSD