Proverbs 7

A mangamangana kai ra paiga na vavina

Natugu, una nuk vake kaugu lavur tinata,
Una vung vake kaugu lavur vartuluai piram;
Una toratorom ta kaugu lavur vartuluai ma una laun,
Ma una balaure kaugu vartovo da ra kiau na matam;
Una vi diat ta ra kaka na limam,
Una tumu diat ta ra mapina balam.
Una biti dari ta ra kabinana, U taigu.
Ma una vatang ra kapa na nuknuk ba talaim tuna;
Upi dir a balaure bat u kan ra enana vavina,
Kan ra enana ba i tatike ra kalakalami na tinata.

Tago iau ga ki ta ra mata na kalangar ta ra kubagu,
Ma iau ga gigira irop ta ra ubene tana;
Ma iau ga na tadav tika na barmana i lunga,
Pire ra umana tuptup,
Ma iau ga gire ilam ia pire ra umana bul;
I alalu ra gunan maravai ta ra pakana ra vavina i ki tana,
Ma i mur ra nga ba i vana ta ra kubana,
Ta ra talvivi, ta ra bung na ravian,
Ta ra bingnimuna ta ra marum ma ta ra bobotoi.
10 Ma ea, tika na vavina i totongo upi ia ie,
I mal da ra paiga na vavina, ma i tavir ra balana.
11 A tena varuturut, ma pa i kure kana mamainga,
Ma pa i kiki bulu ta ra kubana;
12 Go i kiki ta ra nga, namur ta ra tavul a bung,
Ma i kiki uai ta ra lavur nga varkuvo.
13 Damana i kinim vake, ma i galum ia,
I vamadara ma i biti tana:
14 A umana vartabar ure ra tinabar na varmaram akari piragu;
Gori iau tar pait ot pa kaugu vavalima;
15 Kari iau tar irop upi ina totongo up u,
Upi ina ongor ma ra tinikan upi ra matam, ma iau tar tikan tadav u.
16 Iau ga pale ra bo na kurit ta kaugu vava,
Ma ra mal i bolapit di ga vir ia ma ra kuara Aigipto;
17 Iau ga imimire ra bira na davai, ra alo, ma ra sinamon ta kaugu vava.
18 Una mai, dor a gugu varurung tuk tar ta ra malana;
Dor a ga ma ra varmananai vargil.
19 Tago kaugu tutana pa i ki ati,
I tar vana vailik;
20 I tar kap ra popopoi na mani,
Ma na talil mulai ta ra kubana ba i palaioko ra gai.
21 I vavamaram ia ma kana mari na tinata,
Ma i vo pa ia ma kana kalami na pirpir.
22 I mur vuavue,
Da ra bulumakau i vana upi da doka,
Ba da ra pap upi da vi ia,
23 Tuk tar ta ra pakana bung ba ra pu i tur ra katina;
Da ra beo i pukai lulut ta ra kun,
Ma pa i nunure ba na virua tana.

24 Kari, a umana bul, avat a valongore iau,
Ma avat a nuk pa kaugu tinata.
25 Koko ra nuknukim na vana irai ta kana mangamangana,
Ma koko una rara ta kana lavur nga.
26 Tago i tar rapue vakinkin mangoro;
Maia, diat dia tar virua ure, a peal tuna diat.
A kubana i da ra nga upi ra ruarua na tulungen,
Ma i kuba ta ra kuba i ra umana minat.
27 

Copyright information for `KSD