Proverbs 9

Da mur ra kabinana, ma ra tuptup na mangamangana pata

A kabinana i tar pait ra kubana,
I tar vatur kana lavurua na pagapaga;
I tar doko kana umana vavaguai i tar poto kana polo na vain,
I tar vangan bula kana vatar na
I tar tulue vaarike kana umana tultul na vavina, i oraoro
Ta ra umana ul a luana dia manga tuluai ta ra pia na pal:
Nina ba i tuptup na ruk ati!
Ma ure nina i tabobo, i biti tana:
Avat a mai, avat a ian ta kaugu nian,
Ma avat a momo ta nam ra vain ba iau ga pota.
Avat a vana kan ra tuptup na mangamangana, ma avat a laun,
Ma avat a vanavana ta ra nga na minatoto.

Nina i tovo vatakodo ra tena varkulumai pa na gugu tana namur,
Ma nina i pit ra kaina tutana, da vakaina.
Koko una pit ra tena varkulumai, kan na milikuane u;
Una pit ra tena kabinana, ma na mari u.
Una vateten ra tena kabinana, ma na kabinana mulai;
Una tovo ra tena takodo, ma na tavua kana kabinana.
10 A variru tadav ra Luluai ta ra vunapai ra kabinana,
Ma ra minatoto kai ra Lia Kakit ia ra kabinana tuna.
11 Tago ina vapeal kaum lavur bung,
Ma ina vanot kaum umana kilala na nilaun.
12 Ba u kabinana, i vadongone u;
Ma ba u varkulumai, u kaka una puak pa boko a balbali.
13 la Papaua a tena varuturut;
A tuptup na vavina, ma pa i vavirvir.
14 Ma i kiki ta ra matakilalat i ra kubana,
Ta ra kiki ba i tur rikai ta ra pia na pal,
15 Upi na vatatabe diat dia vana pakit,
Diat dia vana kakit ta kadia vinavana;
16 Nina ba i tuptup na ruk ati!
Ma ure nina i tabobo, i biti tana:
17 Ra tava di long ia i kalakalami,
Ma ra gem ba di en ive i boina.
Ma ra tutana pa i nunure ba ra umana minat dia ki ie,
Ma ra umana talaina dia bang ta ra ruarua na tulungen.
18 

Copyright information for `KSD