Psalms 1

A LUAINA BUK A dovot na gugu

I ti doan nam ra tutuna ba pa i mur ra nuknuk i ra kaina tarai,
Ma pa i tur ta ra nga kai ra umana tena vana rara,
Ma pa dia ki varurung ma ra umana tena varkulumai.
Ia kaka i manga gugu ka ta ra vartovo kai ra Luluai;
Ma i nununuk ta kana vartovo a bungbung na keake ma ra bungbung na marum bula.
Na varogop ma ra davai di ga vaume ta ra papar a tava alir,
I vuavuai ta kana e,
A mapmapina bula pa i makuk;
Ma ra lavur magit par i pait diat, diat a tavua.

A umana tena varpiam pa dia damana;
Dia varogop uka ma ra pal i ra vit a vuvu i kapkap vue.
Kari a umana tena varpiam pa diat a pila ta ra varkurai,
Ma ra umana tena vana rara pa diat a ki varurung ma ra umana tena takodo.
Tago ra Luluai i nunure ra mangamangana kai ra tena takodo,
Ma ra mangamangana kai ra tena varpiam na virua.

Copyright information for `KSD