Psalms 105

God ma kana tarai

(1 Tutu 16:8-22)

Avat a tul tar ra pite varpa tadav ra Luluai; avat a kail upi ra iangina!
Avat a vaarike kana lavur papalum pire ra umana vuna tarai.
Avat a kakailai tadav ia, avat a kaile ra kakailai na pite varpa tadav ia.
Avat a tata ure kana lavur enana papalum.
Avat a langlang ta ra lia na iangina;
Boina ba na gugu ra bala i diat dia tikan upi ra Luluai.
Avat a tikatikan upi ra Luluai ma upi ra dekdekina,
Avat a vala tikatikan upi ra matana.
Avat a nuk pa ra lavur enana papalum i ga pait ia;
Kana papalum na padapada varvo, ma ra lavur varkurai i arikai ta ra ngiene;
Avat ra umana bul mur tai Abaraam kana tultul;
Avat a umana natu i Iakob, kana umana viviliai.

Ia iat ra Luluai kada God;
Kana umana varkurai dia kor ta ra rakarakan a gunagunan par.
I nuk vatikene pa kana kunubu,
Ra tinata ba i ga tul tar ia ta ra arip na marmar na taun tarai,
Ra kunubu dir ga pait ia ma Abaraam,
Ma kana vavalima pire Isak bula;
10 Ma i ga vadekdek pa ia pire Iakob upi na da ra varkurai,
Ma pire Israel upi ra kunubu pa na mutu;
11 Ma i ga biti dari: Ina tul tar ra gunan Kanaan tam,
A gunan ba avat a kale pa ia;

12 Ma nam ra bung a paupau tarai ka diat;
Maia pa, a paupau tuna diat, ma dia ga ki na vaira ka tana.
13 Ma dia ga tenten vurvurbit, dia ga vana kan tika na vuna tarai upi ta ra tikai.
Kan tika na vuna gunan upi ta ra tika na vuna tarai.
14 Pa i ga tul tar ta tikai ba na vakaina diat,
Maia pa, i ga pit ra umana king ure diat;
15 I dari: Koko ava bili diat ba iau ga ku diat,
Ma koko avat a vabilak kaugu umana propet.

16 Ma i ga tulue ra mulmulum, upi na tup ra gunan,
Ma i ga vakaina vue ra adia magit.
17 I ga tulue tika na tutana na lua ta diat;
Di ga ivure Iosep upi na ki na vilavilau;
18 Di ga varuk ra kakene ta ra babat keke,
Di ga vi ia ma ra vinau na palariam;
19 Tuk tar ta ra bung ba na ot kana tinata;
A tinata kai ra Luluai i ga valar ot pa ia.
20 Ra king i ga vartuluai, ma i ga pala vue,
Maia pa, ra luluai kai ra tarai i ga vung pala vue.
21 I ga vaki ia upi na luluai ta ra kubana,
Ma upi na tena varkurai ure kana lavur tabarikik,
22 Upi na vi kana umana luluai da i mainge.
Ma na tovo tar ra kabinana ta kana lavur patuana.

23 Israel bula i ga vana uro Aigipto,
Ma Iakob i ga ki na vaira ta ra gunan Kam.
24 Ma i ga vapeal tuna kana tarai,
Ma i ga vaongor diat, ma dia ga lia ma ra niongor ta kadia lavur ebar.
25 I ga pukue ra bala i diat upi diat a milikuane kana tarai,
Ma upi diat a vagu pa kana umana tultul.

26 I ga tulue Moses kana tultul,
Ma Aron nina i ga pilak pa ia.
27 Dir ga vaarike kana umana vakilang limlivuan ta diat,
Ma kana lavur papalum na padapada varvo ta ra gunan Kam.
28 I ga tulue ra bingnimuna, ma i ga bobotoi;
Ma dia ga piam vue kana tinata.
29 I ga pukue ra adia tava upi na gap uka,
Ma i ga doko kadia lavur en.
30 Kadia gunan i ga livur ma ra umana rokrok,
Dia ga ki ta ra kuba i kadia umana king.
31 I ga tata, ma ra umana livur na langa dia ga vana rikai,
Ma ra ut bula, ta kadia langlangun.
32 I ga kia ra bata tuna ma ra bata na vatvat pire diat,
Ma ra meme i papala ta kadia gunan.
33 I ga vakaina bula kadia davai na vain ma kadia lovo,
Ma i ga bubur ra lavur davai ta kadia langlangun.
34 I ga tata, ma ra umana kubau dia ga vana rikai,
Damana ra umana nat na kubau, ma dia ga vurot mat,
35 Ma dia ga en vue ra lavur davadavai ta kadia gunan,
Ma dia ga en vue ra vuai kadia pia.
36 I ga ubu bula ra lavur luaina bul ta kadia gunan,
A luaina vuai ra dekdek i diat par.

37 I ga agure vairop diat, ma dia ga kap ra silva ma ra goled,
Ma pa ta tikai ta kana lavur vuna tarai i ga tutukai.
38 Aigipto i ga gugu ta kadia niirop,
Tago ra bunurut ure diat i ga tup.diat.
39 I ga vuare tika na bakut, ma i ga turup diat,
Ma i ga tul tar ra iap upi na pu are diat ta ra marum.
40 A tarai dia ga lulul, ma i ga tul tar ra voro,
Ma i ga tabar vamaur diat ma ra gem marama ra bala na bakut.
41 I ga pelegi ra vat ki, ma ra tava i ga tamtavit tana,
A tava alir i ga noranoro ta ra gunan i mage.
42 Tago i ga nuk pa kana lia na tinata,
Ma Abaraam kana tultul.

43 Ma i ga agure vairop kana tarai ma ra gugu,
Ma kana umana viviliai ma ra kakailai na gugu.
44 Ma i ga tul tar ra lavur gunan kai ra umana Tematana ta diat;
Ma dia ga kale ra papalum kai ra umana vuna tarai;
Upi diat a toratorom ta kana umana varkurai,
Ma upi diat a mur kana lavur vartuluai.
Avat a pite pa ra Luluai.
45 

Copyright information for `KSD