Psalms 113

A pite varpa tadav ra Luluai tago ia ra tena pait ra boina

Avat a pite pa ra Luluai.
Avat a umana tultul kai ra Luluai, avat a pite pa ia,
Avat a pite pa ra iang i ra Luluai.

Da pite pa ra iang i ra Luluai
Papa gori ma pa na mutu.
Maro ra ngu na gunan a keake i kuma rikai tana tuk tar ta ra nguna i ki ong tana,
Da pite pa ra iang i ra Luluai.
Ra Luluai i ki ak ta ra lavur vuna tarai,
Ma kana minamar i ngala ta dir ma ra minamar i ra bala na bakut.

To ia dir varogop ma ra Luluai kada God,
Nina i ki arama liu,
Nina i tur rururu upi na gigira ba
Taun ra maup ma ra rakarakan a gunagunan?
I vatut ra luveana kan ra tobon,
Ma i puak vairop ra viloi kan ra ul a buta;
Upi na vaki ia varurung ma ra umana luluai,
Maia, varurung ma ra umana luluai kai kana vuna tarai.
I tul tar ra vavina i biu ba na ki ra kubana,
Ma na gugu ure ra umana natuna.
Avat a pite pa ra Luluai.

Copyright information for `KSD