Psalms 114

A kakailai ure ra Lukara na Bolo Lake

Ba Israel i ga irop kan Aigipto,
Ra kuba i Iakob kan ra tarai ba i enana kadia tinata;
Ra Luluai i ga pilak pa Iuda upi kana pal tabu,
Ma Israel upi kana pakana ba i varkurai tana.

A ta i gire ma i lop,
Iordan i alir murmur.
A umana buabuana dia pil da ra me, a tomotoina,
A umana ilil da ra nat na sip.

U ti dave ra ta, tago u lop?
U Iordan, u dave, tago u alir murmur?
I dave avat a umana buana, tago ava pipil da ra me?
Avat a umana ilil, tago ava pipil da ra umana nat na sip?

U ra rakarakan a gunagunan, una dadadar, tago ra Luluai i bang ati;
Tago ra God kai Iakob go kari;
Nina i pukue ra vat ki upi ra kabipolo,
Ma ra dekdek na vat upi ra mata na tava.

Copyright information for `KSD