Psalms 122

A pite varpa ure Ierusalem

A kakailai na nitutua.

Iau ga gugu ba dia ga biti tagu dari:
Dat a vana oai upi ra kuba i ra Luluai.
A kak i vevet dia tur
Ta kaum mataniolo, Ierusalem.

Ierusalem di ga papait ia,
A pia na pal ba i tur varurung bulu;
A umana vuna tarai dia vana oai upi ia, a umana vuna tarai kai ra Luluai,
Dia vana, tago damana ra varkurai ure Israel,
Upi diat a tul tar ra pite varpa tadav ra iang i ra Luluai.
A umana ngala na kiki na varkurai abara,
A umana kiki na king kai ra kuba i David.

Avat a araring upi Ierusalem na ki na malmal;
Diat dia mari u diat a tavua.
A malmal na tur ta kaum bala na gunan,
Ma ra peal magit ta kaum lavur pal na luluai.
Ure ra tara na turagu ma ure ra umana talaigu,
Ina biti go: A malmal na ki tam.
Ure ra kuba i ra Luluai kada God,
Ina ongor upi una ki mamal.

Copyright information for `KSD