Psalms 13

A niaring upi ra maramaravut

Kai nina i lue ra kakailai, a kakailai kai David.

Luluai, na tuk vingai bar? Una valubane vatikene iau vang?
Aivia ra bung boko una ive ra matam kan iau?
Aivia ra bung boko ina nununuk ta ra balagu,
Ma ra niligur na ki ta ra balagu ra bungbung par?
Aivia ra bung boko kaugu ebar na ngala ta mimir?

Luluai, kaugu God, una nuk pa iau, ma una torom tagu;
Una vakapa ra kiau na matagu kan ina diadiop ma ra niva na minat;
Kan kaugu ebar na biti: Iau tar uvia pa ia;
Kan kaugu lavur ebar diat a manga gugu ba iau takari.

Ma iau tar nurnur ta kaum varmari;
A balagu na manga gugu ta kaum varvalaun;
Ina kakailai tadav ra Luluai,
Tago i tar vapeal kana bo na mangamangana piragu.

Copyright information for `KSD