Psalms 135

A kakailai na pite varpa

Avat a pite pa ra Luluai.
Avat a pite pa ra iang i ra Luluai;
Avat a pite pa ia, avat a umana tultul kai ra Luluai.
Avat ba ava tur ta ra kuba i ra Luluai,
Ta ra bala na gunan ta ra kuba i kada God,
Avat a pite pa ra Luluai, tago ra Luluai a tena varmari;
Avat a kakailai na pite varpa tadav ra. iangina, tago i vakak nam.
Tago ra Luluai i tar pilak pa Iakob upi kana,
Ma Israel upi kana tiniba. a ngatngatina.

Tago iau nunure ba ra Luluai i ngala,
Ma ba kada Luluai i lia ta ra lavur god.
A magit par ra Luluai i ga mainge na pait ia, i tar pait ia ka,
Arama ra bala na bakut ma ati ra pia. ta ra ta ma ta ra lavur marumian par.
I vatubang ra vual ta ra lavur ngu na rakarakan a gunagunan,
I tul tar ra meme upi na palapala ia, ma ba dir a varait ma ra bata,
I tul vairop vue ra vuvu kan kana lavur vuvuvung.

Nina i ga ubu doko ra umana luaina bul ta ra gunan Aigipto,
A luaina bul kai ra tarai, ma ra luaina nat na vavaguai.
I ga tul tar ra umana vakilang ma ra lavur magit na kinaian livuan tam Aigipto,
Pire Parao ma pire kana lavur tultul.
10 I ga ubu vue mangoro na vuna gunan,
Ma i ga ubu doko ra ivu ngala na king,
11 Sikon ra king kai ra tarai Amor,
Ma Og ra king Basan,
Ma ra lavur kiki na varkurai par Kanaan;
12 Ma i ga tul tar kadia gunan upi ra tiniba,
A tiniba kai Israel kana tarai.

13 Luluai, a iangim i tur tukum,
Ma di nuk uraure, Luluai, ta ra lavur taun tarai namur.
14 Tago ra Luluai na kure kana tarai,
Ma na pukue ra nuknukina ure kana lavur tultul.

15 A umana tabataba kai ra lavur
Tematana di ga pait diat ma ra silva ma ra goled.,
A tarai ka dia ga pait diat.
16 Dia vung ra ngie i diat, ma pa dia tata;
A kiau na mata i diat, ma pa dia gigira;
17 A talinga i diat, ma pa dia valavalongor;
Ma pa ta vuvu ta ra ngie i diat.
18 Diat dia pait diat diat a varogop boko ma diat,
Maia, diat par tikatikai dia nurnur ta diat.

19 Avat ta ra kuba i Israel, avat a pite pa ra Luluai;
Avat ta ra kuba i Aron, avat a pite pa ra Luluai;
20 Avat ta ra kuba i Levi, avat a pite pa ra Luluai;
Avat ba ava ru ra Luluai, avat a pite pa ra Luluai.
Da pite pa ra Luluai ta ra gunan Sion,
Nina i ki Ierusalem.
Avat a pite pa ra Luluai.
21 

Copyright information for `KSD