Psalms 138

A niaring na pite varpa

Kai David.

Ina pite pa u ma ra balagu par;
Ta ra luaina mata i ra lavur god ina kakailai na pite varpa piram.
Ina lotu tadav kaum pal tabu,
Ma ina tul tar ra pite varpa ta ra iangim, upi ina bali kaum varmari ma kaum dovotina me;
Tago u tar vangala kaum tinata ma i ngala ta dir ma ra iangim par.
Ta nam ra bung ba iau ga kakail, u ga torom tagu,
U ga tabar maravut ra balagu ma ra niongor.

A lavur king par ta ra rakarakan a gunagunan diat a pite pa u, Luluai,
Ba dia valongore ra tinata na ngiem.
Maia, diat a kakailai ure ra lavur mangamangana kai ra Luluai;
Tago ra minamar kai ra Luluai i ngala.
Ma a dovotina ra Luluai i ngala tuna, ma i nuk pa ka ra umana ikilik,
Ma i nunure diat a umana malamala luluai ba dia ki vailik.
Ma ba iau vanavana livuan ta ra purpuruan, una ga valagar pa iau;
Una ga tulue vaarike ra limam upi una tur bat ra kulot kai kaugu lavur ebar,
Ma ra limam tuna na valaun iau.
Ra Luluai na pait ot pa ra magit ba na topa iau;
Kaum varmari, Luluai, i tur tukum;
Koko una vung vue ra lavur kau i ra limam iat.

Copyright information for `KSD