Psalms 14

A kaina mangamangana kai ra tarai (Kak 53)

Kai nina i lue ra kakailai; kai David.

A nuknuk i ra lunga dari: Pa ta God.
Di tar vakaina kadia lavur mangamangana, di tar manga vabilak diat;
Pa ta tikai ba na pait ra boina.

Ra Luluai i gigira ba marama ra bala na bakut, ma i na tadav ra umana natu i ra tarai.
Upi na gire ba ta umana dia minana bar,
Ma diat a tikan upi God.
Diat parika dia tar vana irai; dia tar dur par.
Pa ta na ba i pait ra boina; pa ta tikai ka.

Dave, ra umana tena varpiam par pa dia matoto?
Diat ba dia en kaugu tarai da dia en ra magit,
Ma pa dia lotu tadav ra Luluai.

Akamana i ga tup diat ra ngala na bunurut;
Tago God i ki maravut ra takodo na taun tarai.
Ava varuva ra mamainga kai nina i ki na malari,
Ma ga ra Luluai kana rivarivan.
Boina ba ra valavalaun kai Israel na vana rikai maro Sion!
Ta ra bung ba ra Luluai na valangalanga kana tarai kan kadia kini na vilavilau,
Ta nam ra bung Iakob na gugu tuna, ma Israel na ga.

Copyright information for `KSD