Psalms 141

A niaring ta ra marum

A kakailai kai David.

Luluai, iau tar kail u; una mai lulut;
Una valongore ra nilaigu ba iau kail u.
Kaugu niaring na tubang rikai piram da ra mi na lotu,
Ma ba iau vatur ra limagu urama na da ra tinabar di tun tar ia ta ra ravian.
Luluai, una vaki tika na monamono pire ra ngiegu,
Una balaure bat ra matakilalatina.
Koko ra balagu na lingan upi ta kaina magit,
Upi koko na varvakai ma ra umana bilak na mangamangana,
Varurung ma ra umana tena pait ra kaina;
Ma koko ina ian ta ra adia magit i kalami.

Ba ra tena takodo i virit iau, a varmari nam;
Ma ba i pit iau, a varku nam ta ra ulugu;
Koko ra ulugu na kamale;
Ma pa ina ngo ma ra niaring ure kadia kaina mangamangana.
Tumu di vue vaba kadia umana tena varkurai ta ra papar a ar,
Diat a kapupi kaugu lavur tinata, tago dia kalami.
Da tikai i mumut, ma i kita davai ra pia,
Damana ra uru i diat na va vurvurbit ta ra ngie i ra ruarua na tulungen.

Tago iau lingalingan up u, Luluai God;
Iau rivarivan tam; koko una nur vue iau pi ina virua.
Una balaure bat iau ta ra kun di ga kapi ia ure iau,
Ma ta ra ben kai ra umana tena pait ra kaina.
Boina ba ra umana tena varpiam diat a bura tikatikai ta kana ubene iat,
Ma iau, ina pila ka ta diat.
10 

Copyright information for `KSD