Psalms 145

A kakailai na pite varpa

A kakailai na pite varpa; kai David.

Ina tata vangala pa u, kaugu God, ra King;
Ma ina pite pa ra iangim ma pa na mutu.
Ta ra bungbung par ina pite pa u,
Ma ina pite vatikene pa ra iangim.
Ra Luluai i ngala, ma i kat tuna ba na ngala ra pite varpa pirana,
Ma i dekdek upi da nunure ot pa kana ngala na kini.

Tika na taun tarai na manane kaum lavur papalum ta ra mata i ta ra tikai,
Ma na varvai ure ra lavur dekdek na magit u ga pait ia.
Ina nununuk ure kaum potar na minamar ma kaum ngala na kini;
Ma ure kaum lavur enana papalum.
Ma ra tarai diat a tatata ure kaum lavur enana mangamangana ba dia burut i tana,
Ma ina varvarvai ure kaum lavur ngala na papalum.
Diat a tatata ka ure kaum ngala na varmari,
Na taorong kadia kakailai ure ra takodo na maukuam.

Ra Luluai a tena varmari, i buka ma ra varmari;
Pa i kankan lulut. ma i peal kana varmari ta.
Ra Luluai i mari ra lavur magit par;
Ma kana bala na varmari i tadatadav ra lavur mangana i ga vaki diat.
10 A lavur mangana ba u ga vaki diat diat a tul tar ra pite varpa piram, Luluai;
Ma kaum lavur tena lotu diat a manane u.
11 Diat a tata ure ra minamar i kaum varkurai,
Ma diat a pirpir ure ra ongorim;
12 Upi diat a vaarike tar kana lavur enana mangamangana ta ra tarai,
Ma ra enana minamar i kana varkurai.
13 Kaum varkurai a varkurai ba na tur vatikai ma pa na mutu,
Ma kaum varkurai na tur vatikai pire ra lavur taun tarai.

14 Ra Luluai i tukatukal diat par dia papait na bura,
Ma i vatut diat ba dia ki ma ra tinabun.
15 A lavur mangana dia ki pa u,
Ma u tabatabar diat ma ra adia magit ta ra e ba i topa ia.
16 U pala ra limam,
Ma u tabar vamaur ra lavur launa mangana ma kaum varmari.
17 Ra Luluai i dovot ta kana lavur mangamangana,
Ma i varmari ta kana lavur papalum.
18 Ra Luluai i ki ravie diat par dia kail ia,
I ki ravie diat par dia kail ia ma ra dovotina.
19 Na pait ot pa ra mamainga kadiat dia ru ia,
Ma na valongore bula kadia kinail, ma na valaun diat.
20 Ra Luluai na vale bat diat par dia mari ia,
Ma ra umana tena varpiam, na nila vue ke diat par.

A ngiegu na vaarike ra pite varpa tadav ra Luluai,
Ma boina ba ra lavur mangana i laun diat a pite pa ra lia na ingina ma pa na mutu.
21 

Copyright information for `KSD