Psalms 20

A niaring upi ra niuvia

Kai nina i lue ra kakailai; a kakailai kai David.

Ra Luluai na torom tam ta ra bung na purpuruan;
A iang i ra God kai Iakob na balaure bat u;
Na tulue ra maramaravut piram maro ra kubana,
Ma na vapadikat u maro Sion;
Na nuk vake kaum lavur vartabar,
Ma na vatur vake kaum tinabar di tun tar ia;

Na tabar u ma ra magit a balam i mainge,
Ma na pait ot pa ra nuknukim.
Avet a malalongo na gugu ure kaum niuvia,
Ma dat a vatur kada lavur vakilang ta ra iang i kada God;
Ra Luluai na pait ot pa kaum lavur nilul.
Go iau nunure ba ra Luluai i valaun nina i ga pilak pa ia;
Na torom tana marama ra bala na bakut ta kana kiki tabu.
Ma na valaun ia ma ra dekdek na limana tuna.
Ta umana dia nurnur ta ra kiki na vinavana, ma ta ra umana ta ra lavur os;
Ma avet, avet a vatang ika ra iang i ra
Luluai, kaveve God.
Dia tar pa rururu ma dia tar bura;
Ma avet ave tar tut, ma ave tur takodo.

Luluai, una maravut ra king;
Una torom ta vevet ba ave oro.

Copyright information for `KSD