Psalms 24

Ra ngala na King

A kakailai kai David.

A pia kai ra Luluai, ma ra lavur magit i kor tana;
A rakarakan a gunagunan ma diat dia ki tana.
Tago i ga vung ra vunapaina ta ra ta,
Ma i vatur vapadikat ia ta ra lovon ta.

Ia na tutua urama ta ra luana kai ra Luluai?
Ma ia na tur ta kana gunan i gomgom?
Nina ba i gomgom ra limana ma ra balana bula;
Nina ba ra tulungeana pa i mainge ra magit vakuku,
Ma pa i vavalima vavaongo.
Ia iat na alube pa ra varvadoan tai ra Luluai,
Ma ra takodo na mangamangana tai
God kana tena valaun.
Nina ra taun tarai ba dia toratorom tana, dia damana,
Diat dia tikan upi ra matam, u ra God kai Iakob. Sela.

A umana mataniolo, avat a tadaraka,
Ma ra umana matakilalat pa ania, avat a manga tapapa,
Upi ra King na minamar na olo.
To ia ra King na minamar?
Ra Luluai, i ongor ma i dekdek,
Ra Luluai ra tena ongor ta ra vinarubu.
A umana mataniolo, avat a tadaraka,
Maia, avat a manga tapapa, avat a umana matakilalat pa ania,
Ma ra King na minamar na olo.
To ia go ra King na minamar?
Ra Luluai kai ra lavur kor,
Ia iat ra King na minamar.
10 

Copyright information for `KSD