Psalms 41

A niaring kai tika na minait

Kai nina i lue ra kakailai; a kakailai kai David.

Nina i nuk pa ra umana biaui i ti doan,
Ra Luluai na valangalanga ta ra e ba na ki kaina tana.
Ra Luluai na balaure ma na vaale bat ia, ma na ti doan ati ra pia;
Ma pa una tul tar ia ta ra mamainga kai kana umana ebar.
Ra Luluai na ga maravut ia ba i va ma ra minait;
U tar valagar mule.

Iau ga biti: Luluai, una mari iau;
Una valagar ra tulungeagu, tago iau tar piam u.
Kaugu umana ebar dia tata kaina ure iau dari:
Vingaia na mat, ma ra iangina na panie?
Ba i tadav iau, i tatike ra vaongo ko;
Ra nuknukina.i varurue ra kaina,
Ma ba i vana vurvurbit i varvarvai tana.
Diat par dia milmilikuane iau, dia varmaianao ure iau,
Ma dia nuk vaninare ra magit ba ina kaina tana.

Dia biti ba: A kaina minait i monong ia;
Ma go i tar va, ma pa na tut mulai.
Maia, a talaigu iat, nina iau ga nurnur tana, ma nina amir ga en ra agu nian varurung,
I ruarua iau.
10 Ma u, Luluai, una mari iau, ma una vatut iau,
Upi ina pait ra balbali pire diat.

11 Go ina nunure tana ba u gugu tagu,
Tago kaugu ebar pa i uvia pa iau.
12 Ma iau, u tar maravut iau, tago i dovot ra maukuagu.
Ma u vatur vatikene pa iau ta ra luaina matam.

Da pite pa ra Luluai ra God kai Israel,
Ma pa na mutu.
Amen ma Amen.
13 

Copyright information for `KSD