Psalms 43

A niaring kai ta tikai nina i ki irai kan kana gunan

Una kure maravut iau God, ma una tata maravut iau ure ra tarai vakuku.
Una valangalanga iau kan ra tarai dia vartuam ma i gegagege ra maukua i diat.
Tago u God, u ra dekdekigu; u vung vue iau dave?
Ta ra ava ina tenten vurvurbit ma ra tinabun ure ra ebar, nina i arung bat iau?

Una tulue vaarike kaum kapa ma kaum dovotina; boina dir a rap lue iau;
Boina ba dir a agure iau ta kaum luana gomgom,
Ma tadav ra lavur kubam.
Upi ina tadav ra uguugu kai God,
Tadav God, nina iau manga gugu tana,
Ma ina pite pa u ma ra pagol, u God, kaugu God.

Tulungeagu, u ti lingligur dave?
Ma ta ra ava u ngarangarao?
Una nurnur tai God, tago ina pite pa ia boko, la iat kaugu tena maramaravut, ma kaugu God.

Copyright information for `KSD