Psalms 53

A kaina mangamangana kai ra tarai (Kak 14)

Kai nina i lue ra kakailai; a tiun Makalat; a mari na kakailai kai David.

A papaua i varpuai ta ra balana dari: Pa ta God.
Dia ga pait ra kaina magit, a magit i milmilikuan tuna;
Pa ta na ba i pait ra boina.

God i gigira ba marama ra bala na bakut,
Ina upi ra umana natu i ra tarai,
Kan ta na dia minana
Ma dia tikan upi God.
Diat par dia tar vana rara, dia tar dur par,
Pa ta na ba i pait ra boina, maia pa, pa ta tikai ka.

Dave; ra umana tena varpiam pa dia minana vang?
Diat ba dia en vue kaugu tarai da dia en ra adia magit,
Ma pa dia araring tadav God.

Dia ga burut i tuna, ma pa ta vuna;
Tago God i kabu vue vanavana ra uru i diat dia tut na vinarubu ure u.
U tar varuva diat, tago God i pilak vue diat.

Boina ba ra valavalaun na ga vana rikai maro Sion!
Ba God na ben vatalil kana tarai di ga kinim vavilavilau diat,
Iakob na manga gugu, ma Israel na ga.

Copyright information for `KSD