Psalms 6

A niaring upi ra maramaravut ta ra e na purpuruan

Kai nina i lue ra kakailai, ta ra pagol; a tiun Seminit; a kakailai kai David.

Luluai, koko una pit iau ta kaum kankan,
Ma koko una vapagumanene iau ta kaum ngala na kulot.
Luluai, una mari iau, tago iau tar bilua;
Luluai, una valagar pa iau, tago ra urugu i purpuruan.
Damana ra balagu i purpuruan;
Ma u Luluai, aivia ra bung boko?

Una lilikun, Luluai, una valangalanga iau,
Una valaun iau ta kaum varmari.
Tago ba di mat pa di nuk pa mule u,
Ma ta ra ruarua na tulungen ia na pite pa mule u?

Iau tar talanguan ma kaugu oir;
A lavur marum i polo ko kaugu vava;
Iau pukpuk kaugu molamolo ma ra lur na matagu.
A kiau na matagu i gavul ta ra tinangi,
I rovo ure kaugu lavur ebar.

Avat a vana kan iau, avat ra lavur tena varpiam par,
Tago ra Luluai i tar valongore kaugu tinangi.
Ra Luluai i tar valongore kaugu nilul vovo;
Ra Luluai na alube pa kaugu niaring.
Kaugu lavur ebar par diat a vavirvir, ma diat a purpuruan na kaia, diat a lilikun, ma da varuva vakaian diat.
10 

Copyright information for `KSD