Psalms 67

A kakailai na pite varpa

Kai nina i lue ra kakailai; ta ra pagol; a kakailai.

God, una mari avet, ma una tata vadoane avet,
A matam na pupua taun avet; Sela.
Upi da nunure kaum mangamangana ati ra pia,
Ma kaum valavalaun ta ra lavur vuna gunan.
Boina ba ra lavur vuna tarai diat a pite pa u, God,
Boina ba ra lavur vuna tarai par diat a pite pa u.

Boina ba ra lavur vuna gunan diat a ga, ma diat a kakailai ure ra gugu;
Tago una ga kure ra lavur vuna tarai ma ra takodo na varkurai,
Ma una lualua ta ra lavur vuna gunan ati ra pia. Sela.
Boina ba ra lavur vuna tarai diat a pite pa u, God,
Boina ba ra lavur vuna tarai par diat a pite pa u.

A pia i tar tul tar ra vuaina;
God, maia pa, kada God iat, na vadoane dat,
God na vadoane dat,
Ma ra lavur ngu na rakarakan a gunagunan diat a ru ia.

Copyright information for `KSD