Psalms 70

A niaring upi ra maramaravut

(Kak 40:13-17)

Kai nina i lue ra kakailai; kai David; upi ra varvanuknuk.

Una pampam, God, upi una valaun iau,
Una pampam, Luluai, upi una maravut iau.
Boina ba diat dia nuk upi kaugu nilaun,
Diat a vavirvir ma diat a malari;
Diat dia gugu ta kaugu kinadik,
I boina ba da pukue vatalil diat ma da varuva diat.
Boina ba diat a takap ure kadia vavirvir,
Diat ba dia biti: Ioi! Ioi!

Diat dia tikatikan up u, boina ba diat a gugu, ma diat a ga par tam.
Ma diat dia mainge kaum valavalaun, diat a biti varikai dari:
Da pite vangala pa God!

Ma iau, a malari na tutana ma a luveana iau,
God, una rurut ma una tadav iau.
U kaugu tena maramaravut ma kaugu tena valaun,
Luluai, koko una vavabing.

Copyright information for `KSD