Psalms 73

A VAUTULUNA BUK A dovot na varkurai kai God

A kakailai kai Asap.

A dovot God i mari Israel,
I mari diat i gomgom ra bala i diat.
Ma iau, a kaugu i to na tagalir,
I maravai ba ina tamagaga ta kaugu vinavana.
Tago iau varngu ure ra umana malamala luluai,
Ba iau gire ra tinavua kai ra umana tena varpiam.

Tago pa dia kairane ra kinadik;
A paka i diat i oton, ma i ongor.
Pa dia ki na malari da ta ra na,
Ma pa di vakadik diat varogop ma ta ra na.
Kari dia mamar ma ra ngala na nuknuk ure diat mulai da ma ra kurkurua;
Dia vavauluvai ma ra mangamangana ra varpa.
A kiau na mata i diat i ung rikai ma ra bira,
A bala i diat i buka leke ma ra lavur nuknuk vakuku.
Dia varkulumai, ma dia tata kaina;
Dia vatavatang ra ra varpa marama liu iat.
Dia tatike ra tinata da marama ra bala na bakut,
Ma kadia pirpir i vana ta ra rakarakan a gunagunan.
10 Kari kana tarai dia mur diat,
Ma dia maur ma ra ngala na nimomo.
11 Ma dia biti: God na nunure davatane?
Ma ra Ngala Kakit i matoto vang?
12 Ea, dari ra mangamangana kai ra kaina tarai!
Dia ki vovovon vatikai ati ra pia, ma dia tar lu varurue ra ngala na tabarikik.
13 A dovot iau tar dalu ra balagu vakuku,
I gomgom vakuku ra limagu;
14 Tago di vakadik iau a bungbung par,
Ma di tar virit iau ta ra malana a bungbung par.

15 Gala iau ga biti: Ina tatike ra dari;
Ea, ina gala vagu pa kaum taun tarai.
16 Ma iau ga nununuk vanavana upi ina nunure go,
Iau ga milamila tana;
17 Tuk tar ta ra bung ba iau ga ruk ta ra pal i gomgom kai God,
Ma iau ga nuk pa ra mutuai diat tuna.
18 A dovot u vatur diat ta ra pakana gunan i duladula,
U rapue vakaian diat, ma dia virua.
19 Dia tar virua lulut!
I tar par, dia tar imur kakit ma ra ngala na bunurut.
20 Da tikai i pidimuane ra ririvon ba i tavangun,
Damana Luluai, ba u tavangun una pidimuane ra malalar i diat.

21 Ba i mapak ra nuknukigu,
Ma ba i pinpidian ra balagu,
22 Iau ga koloata ma iau ga tabobo,
Iau ga da ra kaina leing ika piram.
23 Ma go iau ki vatikai ka piram;
U tar vatur vake ra limagu tuna.
24 Una ga rap lue iau ma kaum tinata na varvateten,
Ma namur una ga ben vaolo iau ta ra minamar.
25 To ia bula arama ra bala na bakut ba ina nuk pa ia?
Ma pa ta na bula ati ra pia ba ina kaina upi ia; u kaka iau mainge u.
26 A pakagu ma ra balagu bula i bilua,
Ma God ka ia ra dekdek i ra balagu, ma kaugu tiniba pa na mutu.

27 Tago diat dia vana kan u, diat a virua;
U tar nila vue diat par dia tabunu kan u.
Ma iau, i topa iau ba ina kakari maravai pire God;
Iau tar rivarivan ta ra Luluai God,
Upi ina vaarike kaum lavur papalum.
28 

Copyright information for `KSD