Psalms 95

A kakailai na pite varpa

Avat a mai, dat a manga kakailai tadav ra Luluai;
Dat a ngenge tadav ra vat ki da lalaun tana.
Dat a tur rikai ta ra luaina matana ma ra pite varpa,
Dat a papar pirana, ma ra lavur kakailai na lotu na maravut ia.
Tago ra Luluai a ngala na God,
Ma ra ngala na King, i lia ta ra lavur god.
I vatur vake ra lavur lulur ta ra rakarakan a gunagunan;
Kana bula ra lavur lualuana;
A ta kana, ma ia iat i ga pait ia,
Ma ra limana i ga mal ra gunan i mage.

Avat a mai, dat a lotu ma dat a tur rururu;
Dat a va timtibum ta ra luaina mata i ra Luluai, nina i ga vaki dat!
Tago ia iat kada God,
Ma dat ra tarai ba i balabalaure, ma ra kikil na sip ba i agagure.

Gori, gala avat a valongore ra nilaina!
Koko avat a valeo ra bala i vavat, da aro Meriba,
Da ta ra gunan Masa ta ra bil,
Nam ra bung ba ra umana tama i vavat dia ga valar iau,
Dia ga valar ot iau, ma a dovotina dia ga tar gire kaugu papalum.
10 A ivat na vinun na kilala i ga takunuan ra balagu ure nam ra taun tarai,
Ma iau ga biti: Diat a tarai ba i rara ra nuknuk i diat,
Ma pa dia nunure kaugu mangamangana;
Kari iau ga vavalima na kankan,
Ba koko diat a olo ta kaugu ningo.
11 

Copyright information for `KSD