Isaiah 9

Kiŋi Mende Rengya Karara Doko

Napatalai Sepyulanepa rara dolapona yuu doko wamba randa epeyamo elya nyuo peteyami doko enakana yuu nakamana dorena kapa seramo pisirami. Ipwa Metitaraniane pete silyamo yuu neta pyakaenge ipwa Jotane dumu wangu ingyuo yuu Galili angi sukusa wambu rara wakale range epo palenge dorena ingyuo pyaka sera.

Wambu iminjiyamo dokona peteyami dupwa
ama yanga paupau leyamo kandeyami.
Wambu kumungi renge dokome yambe piyamo peteyami dupwana lao
yanga paupau lenge doko pyaka sakamiyaŋa lao palamo.
Kamongo embame andake ingi raeme kumunya lao
rae mainyi pyambulini.
Nakama ee mupwasa doko manjo karo dokopa rae maingi doko suu pyao
embame apa pyakamipi dokona rae mailyaminyiko.
Mena bulamakaome yulu pinya bange kendande matarena ipyuo penge nakama dopale ingyuo karenge doko neta nyuo kokwa soo nembee.
Embame Mitiane ami pyao isa palyinyili pyuo
embena wambu yulu andake maiyuo nyuo isa palyuo kareyami
yuu lili doko isingi pyao isa palyii kande.
Ami nakama pyala epeyaminyi dupwana kimbu suu
komau ranjama pareyape dupwa
isareme rao otara.
Wane mende manjakarami.
Ikinyingi doko jera ingilyamo.
Doko namwa iso karara.
Banya kingi doko Rapu Pingi Nyiso Karenge Elyapiŋi laraminyi karara.
Anatu Porai doko, Letena Renge Palenge Rakaneŋe, larami.
Kiŋi Mona Kyuu Lao Singinya Ikinyingi, larami.
Banya kiŋi yulunya iso karengena porai renge doko ando puu para.
Banya isingi panda doko yuu peparae mona kyuu lao soo puu para.
Baa kiŋi Dapiti kareyamo alonge dokona karara.
Banya porai renge doko rolae angi dokona seramopa rolo lao karo pao
yuu gii rengya lumwa piramo dokona ingyara.
Anatu Porai Wakasa dokome pii lapyamo dusipana palyuo pinya suu pyalu pyao pilyamo.
9:8—10:34Isaraele wambu dupwa Anatumi kote lao randa maiyamo doko kando Juta wambu dupwa mana nyinyale lao lasaka piya. Anatumi banya koo pingi wambu Asiria wambu keta randa maiyamo dupwa opetae randa nyerami, leya.

Copyright information for `KYC