Psalms 110

Kamongopa Banya Rombo Palyisi Kiŋi Dokopa

Kamongo dokome nambana kamongo doko lamaiyuo,
Nambana kingi rolaerename pisa ipu.
Embena yanda pimwai ingyuo dupwa nambame nyuo embena kimbu yukuna dokona rambukinyinyi pyambwakaro.
Yuu Sayone dokona piso Kamongome embena kiŋinya yulu doko nyuo andakyanyi pyambwakaro.
Dopa pipala embena yanda pimwai dupwa iso karalase lao piru, letamo.
Embame embena yanda pimwai pipya yanda pirinyi dokopa
embena wambu dupwame yanda pinya mona kumapala epo yanda pimana larami.
Yangama yangama pipyae raeya malu singi dopale ingyuo
embena wanyane akali dupwa emba karare dokona eparami.

Kamongome lao, Purisi akali Melekiseteke pyuo kareyamodoko suu pyao
emba purisi dopale mee karalu karare.
Baame mee epeepe lao yakane ingyuo leyande daa. Pii lalu lao lao reteya, leya.

Kamongo baa embena kingi rolaerename karo
baa imbu piramo dokopakiŋi dupwa nyuo isa palyapa pira.
Baame yuu muu dupwana nyuo kyai rolae lao kote lapala
yanda pingi yuu dokona wambu malu mee pyao kumasera.
Baame kiŋi yuu muu peparaena karaminyi dupwapyao nyuo isa palyara.
Kiŋi dokome kata repeta ipwaepenge dokona kamuo nara.
Dopa pyuo paramopa baa porakai wakasa pyapetalende ingyuo karara.
Copyright information for `KYC